‘O son da ribeira’ fai parada en Muxía para enxalzar a Pazos de Merexo
Reivindicará o papel do muxián na recuperación do son do acordeón
A emisión do undécimo programa de O son da ribeira achega hoxe a canle autonómica ata Muxía, na Costa da Morte, na busca do son do acordeón diatónico de Manuel Pazos de Merexo (TVG, 10.00 horas), un músico local e home entrañable xa falecido.
Para achegarse á súa figura, o equipo do programa, dirixido e presentado por X.L. Rivadulla Corcón, desprázase ata praia do Lago, situada preto da aldea de Merexo, dende onde se encamiñará ata a Casa da Forreira, como era coñecida Nieves, a muller, a compañeira, de Pazos de Merexo. “Aquí facía a súa maxia e converteuse nun templo onde viñan acordeonistas de toda Galicia para aprender os segredos do acordeón diatónico”, explica a produtora, que rescata unha actuación do músico tocando na súa casa para o programa Ribeiras, producido polo mesmo equipo de O son da ribeira.
Na casa, Rivadulla Corcón fala con María José Pazos, filla do músico e peza clave no que supuxo seu pai para a música tradicional galega, porque ela estivo sempre ao seu lado, e atendeu aos moitos músicos que visitaron a casa e foi moitas veces a conexión entre o seu pai e os músicos. Na emisión tamén intervirá o músico e historiador Ramón Pinheiro, que no seu traballo de recollida da musica tradicional polas aldeas de Galicia, atopou o tesouro que representou para a música galega Pazos de Merexo.
Quen o veu tocar moitas veces foi o coruñés Xurxo Souto, músico e escritor, e autor da biografía de Pazos de Merexo: Pazos de Merexo o acordeón diatónico da Costa da Morte, editada pola Central Folque. Con Xurxo Souto, Rivadulla Corcón fala da súa relación co acordeonista e do que supuxo para el coñecelo e tratalo. E despois o propio Xurxo vai a interpretar co seu acordeón dous temas de Pazos de Merexo.
Temas
Más en Televisión
-
Menos de un mes para el regreso de 'Sálvame': ya hay fecha oficial
-
Alejandra Rubio, tras el ataque de otra hija de Bigote Arrocet: "Me ha sorprendido porque sé como es y no le gusta participar en esto"
-
Prime Video prepara un documental relacionado con 'OT 2023' tras su éxito
-
Ana Rosa, brutal contra Sánchez tras anunciar que no dimite: "No nos vamos a poner una mordaza"