Certame de microrrelatos da RAG e PuntoGal

A Real Academia Galega (RAG) e PuntoGal convocan a segunda edición do certame de microrrelatos co obxectivo de reforzar a presenza da lingua e da identidade propias no mundo dixital. O prazo de presentación dos textos, de ata 200 palabras, permanecerá aberto durante o mes de febreiro, cadrando coa campaña de promoción de PuntoGal que permitirá rexistrar un dominio .gal para dous anos a un prezo de 15 euros máis IVE.