Galicia rinde homenaxe a Blanco-Amor no aniversario do seu pasamento
Os concellos de Fene e Ourense acollen hoxe sendos actos na súa honra, promovidos pola Secretaría Xeral de Política Lingüística
Eduardo Blanco-Amor faleceu na cidade de Vigo o día 1 de decembro do ano 1979. Dende aquela data téñense organizado diversas actividades para promover a súa obra e para dar a coñecer a súa figura de intelectual comprometido con Galicia e coa súa lingua.
Entre moitas iniciativas, cómpre salientar a creación, en 1981, do Premio de novela longa que leva o seu nome e que organizan conxuntamente 52 concellos galegos. A organización da 30ª edición correspóndelle nesta ocasión ao Concello de Fene (A Coruña). O xurado cualificador fallará hoxe este galardón que está dotado con 12.000 euros sendo un dos de maior tradición e prestixio no panorama literario galego. Entregarase na gala que se celebrará ás 21.00 horas na sede da Sociedade Cultural, Recreativa e Deportiva (SCDR) Agarimo de Sillobre.
Pola súa parte, o Centro PEN-Galicia, cuxa creación impulsou o propio Blanco-Amor en 1977 a raíz da súa pertenza ao PEN arxentino e mais á SADE (Sociedade Arxentina de Escritores), celebrará tamén hoxe en Ourense -en colaboración coa Consellería de Cultura e Educación da Xunta de Galicia e coa Deputación ourensá- a IX Xornada en Lembranza de Eduardo Blanco Amor, no 33º aniversario do seu pasamento. Será ás 17.00 horas no cemiterio de San Francisco (diante da campá do escritor).
O acto contará coa presenza de Xesús Vázquez Abad, conselleiro de Cultura, Educación e Ordenación Universitaria, en funcións; Luís González Tosar, escritor e presidente do Centro PEN-Galicia; Marta Pérez Pereiro, profesora da Universidade de Santiago de Compostela e Víctor Freixanes, escritor e director da Editorial Galaxia.
Este tributo anual que o PEN-Galicia lle rende ao escritor vense celebrando dende o ano 2003, no que se cumpriron 25 anos da morte do que foi autor de "A Esmorga".
Más en Cultura
-
La representante de Israel pasa a la final de Eurovisión a pesar de la polémica
-
Así funcionará la Unidad de prevención contra las violencias en el sector cultural: "La impunidad de los agresores se acabó"
-
Dúo Dinámico, Medalla de Honor de la SGAE: "Nunca es tarde cuando llega"
-
Max se volcará con la cobertura de los Juegos Olímpicos de París con más de 3.600 horas de emisiones