O instituto de Carral festexa as Letras Galegas con lecturas e o colexio, cun festival

Centos de alumnos do IES de Carral e do CEIP Vicente Otero Valcárcel celebran esta semana o Día das Letras Galegas con varias actividades. Onte, unha decena de estudantes do instituto realizou unha lectura de textos escritos por María Victoria Moreno, a autora homenaxeada este ano. O Vicente Otero organizou un festival con todos os escolares no que se lembrou a historia das Letras Galegas.