Unha nova temporada do programa 'Cos pés na terra' chega hoxe á grella da TVG
O espazo achega as historias de cidadáns que apostan por construír a súa vida no campo
A Televisión de Galicia (TVG) estrenará hoxe unha nova temporada do programa Cos pés na terra, que lles achega aos espectadores as pequenas e grandes historias de homes e mulleres que apostan por construír a súa vida no campo e lles amosa como saen adiante cada día, con esforzo e esperanza.
Tres protagonistas, tres historias, tres vidas distintas, entrelázanse en cada programa, en función do contraste que presenten. Nesta ocasión, o espazo da canle autonómica galega deterase a cheirar as flores de Vero, unha rapaza que o deixou toda a súa vida anterior para cultivar especies pouco vistas nas nosas terras e coas que ten pensado conquistar o mundo enteiro.
Cos pés na terra tamén visitará hoxe a Luís, un artesán das cadeiras con quen o equipo do programa vai coñecer en detalle todo e canto hai que facer para poder estar cómodos nas casas. Por último, os espectadores coñecerán a César e a Pablo, dous criadores de porco celta que teñen clarísimo onde se atopa a felicidade.
Por outro lado, tamén na Televisión de Galicia, A Revista seguirá informando hoxe sobre a actualidade relativa á pandemia de coronavirus. O magacín da canle autonómica terá como convidados por videochamada a Juan Carlos Moreiras, membro do Colexio de axentes da propiedade inmobiliaria, e a Manolo López, responsable dun ximnasio, para falar sobre as consecuencias da pandemia no mercado da vivenda e da adaptación dos seus respectivos sectores á nova situación.
Temas
Más en Televisión
-
Primeras imágenes de ‘Animal salvaje’, comedia con Luis Zahera
-
“Traes unha cantiga?’ é un programa sen artificios, que mantén a esencia dos cantos de taberna”
-
El padre de Ana Herminia advierte a Ángel Cristo Jr.: "Yo también soy un león"
-
Telecinco renueva 'La vida sin filtros': tendrá segunda temporada con Cristina Tarrega como presentadora