A TVG estrea 'Mimosas', película do coruñés Oliver Laxe premiada en Cannes
Trátase da segunda longametraxe do director, que antecedeu ao recoñecido filme 'O que arde'
Os espectadores da Televisión de Galicia (TVG) asistirán esta noite á estrea de Mimosas, a segunda longametraxe do director coruñés Óliver Laxe, o título que antecedeu a súa multipremiada película O que arde. Con este filme, que narra a viaxe dunha caravana que acompaña un xeque moribundo a través das montañas de Marrocos, Laxe fíxose co Premio da Crítica no Festival de Cannes e recibiu tamén dous galardóns no Festival de Sevilla.
Esta película dramática, descrita polo seu propio director como un "western relixioso", é unha coprodución internacional entre Catar, España, Marrocos e Francia. Nada da unión entre o cinema de aventuras e a exhibición dunha mística terreal, relata a historia de Shakib, un home moderno que viaxa ás montañas do Atlas marroquí e atopa dous bandidos doutra época histórica que levan un xeque ancián camiño da antiga cidade de Sijilmasa co propósito de permitirlle o descanso ao carón dos seus seres queridos.
Por outr banda, a TVG ofrecerá hoxe a segunda entrega de Pazos and Cía, novo programa en que o actor e presentador Sergio Pazos se converte cada semana nun divertido Quixote moderno que viaxa por Galicia adiante botando unha voluntariosa man a quen necesite da súa inestimable axuda. Nesta ocasión, Pazos viaxa ata A Illa de Arousa para que Jorge e Laura poidan devolverlles aos seus veciños todo o amor que sempre lles transmitiron. Como Jorge é profesor de baile, organizarán unha clase da baile na rúa con música en directo.
Temas
Más en Televisión
-
Manu Tenorio vuelve a arremeter contra 'Zorra' de Nebulossa: "No puedes llevar a gente que desafina"
-
'El hormiguero' cubre la próxima semana de influencers y cantantes con sus invitados
-
Así se las gastaba Borjamina en 'Ahora Caigo': su carrera en solitario antes de integrarse en los 'Mozos de Arousa'
-
Tamara Falcó acusa gravemente a estos invitado a su boda: "No nos regalaron nada"