Un documental da TVG sobre discapacidade, premiado polas canles rexionais europeas
'Máis ca vida', dirixido por Rubén Riós, conta coa participación de persoas con diversidade funcional e actores como Javier Gutiérrez ou Cristina Castaño
Unha produción da Televisión de Galicia (TVG) acaba de ser recoñecida cun novo premio europeo. O documental Máis ca vida, dirixido polo galego Rubén Riós, foi destacado coa mención especial dos premios europeos Prix Circom na categoría Minorías en sociedade, segundo anunciou onte Circom Regional, a Asociación Europea de Televisións Públicas Rexionais.
O documental Máis ca vida forma parte dun proxecto audiovisual que busca romper barreiras e estereotipos. Cunha duración de case 50 minutos, este traballo xorde da gravación dunha curtametraxe rodada en Ourense, que conta cun grupo de persoas con discapacidade intelectual como protagonistas e coa colaboración dun elenco de actores tan coñecidos como Javier Gutiérrez, Cristina Castaño, Mariana Carballal, Estíbaliz Veiga, María Mera e Luís Iglesia. Este documental, producido por Claqueta Coqueta e participado pola canle autonómica galega, foi estreado na canle pública galega o pasado mes de marzo.
O xurado dos Prix Circom, no que participa unha trintena de países, destacou de Máis ca vida, que se trata "dunha experiencia cativadora, unha idea orixinal e interesante; emocionante e tecnicamente moi boa".
Máis ca vidaconstruíuse con testemuños reais do día a día que rodea as persoas con algún tipo de discapacidade e plasma en imaxes os momentos de ensaio aos que tiveron que enfrontarse de cara á rodaxe, cos seus medos, ledicias, interrogantes, dificultades, fatigas e sentimentos. Desta obra nace o método Máis ca vida, creado por Riós, que utiliza o audiovisual como ferramenta de inclusión con persoas en vulnerabilidade ou risco de exclusión social, e ademais de empoderalos na súa vida diaria os forma nos distintos perfís profesionais do sector.
Temas
Más en Televisión
-
Nueva condena a 'Sálvame': María del Monte gana una demanda millonaria tras ser víctima de un bulo
-
Telecinco le da otra oportunidad a 'Factor X' con un nuevo cambio en su día de emisión
-
Aurah Ruiz sufre una aparatosa caída en 'Supervivientes' y termina en el hospital: "Ha sido un gran susto"
-
'Supervivientes' se apunta otra cómoda victoria y 'Una vida menos en Canarias' se despide en su línea