Escena Galega, protagonista de ‘A porta aberta’ na TVG2
A asociación reúne a profesionais do teatro, a danza e o novo circo
A TVG2 emite esta noite, ás 21.30 horas da noite, o quinto capítulo do programa A porta aberta: trátase dun espazo que se propón dar a coñecer en toda a comunidade o traballo do movemento asociativo galego.
A entidade protagonista de hoxe martes será Escena Galega, un colectivo integrado por compañías de teatro, danza e novo circo. A finalidade principal desta asociación pasa por defender os dereitos e os intereses dos profesionais das artes escénicas, para que deste xeito poidan desenvolver o seu traballo artístico nas mellores condicións segundo aseguran dende o programa.
O presidente da asociación Escena Galega, Santiago Cortegoso, e a vogal Paula Quintas, conversan co equipo do programa xunto a Artur Trillo, que é un dos membros fundadores, e Laura Sarasola, unha das asociadas nesta entidade.
Todos estes integrantes de Escena Galega falan da complexa tarefa á que se enfronta o colectivo, que se atopa implicado na creación e sostemento da armazón empresarial das artes escénicas, tanto no seu aspecto económico como cultural, e na construción da idiosincrasia da sociedade galega.
O espazo, dirixido e escrito por X.H. Rivadulla Corcón, amosa ademáis nesta entrega o empeño dos asociados de Escena Galega en establecerdiferentes sinerxias coa sociedade do entorno coa fin de mellorala.
Este programa A porta aberta emítese de luns a venres na TVG2, ás 21.30 horas.
Mañá, mércores, A porta aberta estará adicado á Asociación Galega de Matronas, que dará paso o xoves á Asociación Sindical Galega de Guionistas e o venres á Asociación Galega de Familias de Acollida.
Temas
Más en Televisión
-
Alejandra Rubio, tras el ataque de otra hija de Bigote Arrocet: "Me ha sorprendido porque sé como es y no le gusta participar en esto"
-
Prime Video prepara un documental relacionado con 'OT 2023' tras su éxito
-
Ana Rosa, brutal contra Sánchez tras anunciar que no dimite: "No nos vamos a poner una mordaza"
-
Risto Mejide, tras la decisión de Sánchez: "Yo también he aprovechado para reflexionar estos cinco días, pero sin cogérmelos libres"