BNG denuncia o "menosprezo" do PPdeG pola literatura e lingua galega
O BNG denunciou hoxe o "menosprezo" do presidente provincial do PPdeG na Coruña pola lingua e as literaturas galegas por propor suprimir o Día das Letras como festivo.
O BNG lamenta nun comunicado que, continuando a campaña do PPdeG "de menosprezo a todo ou que significan a literatura e a lingua galegas", Negreira e o seu partido "demandan agora que se suprima o Día das Letras como festivo de carácter autonómico".
Para o BNG, esta proposta "é unha nova mostra das verdadeiras intencións do PP", que pasan, advirte, "por relegar a festa social do Día das Letras a un mero acontecemento escolar, obviando que se trata dunha celebración do conxunto da sociedade galega".
O BNG considera que o Día das Letras foi, historicamente, un día de celebración social para o conxunto da cidadanía galega e das súas forzas políticas e que así debería continuar evitando utilizalo partidariamente.
Más en Sociedad
-
Última hora sobre los subsidios del paro: esto es lo que cobrarás de más
-
Madrid Car Experience llega a IFEMA Madrid: ¡Come, baila y prueba los mejores coches del momento!
-
Jordi Vila, el inventor de la fregona Vileda, vuelve a innovar con el cubo de fregar con agua siempre limpia
-
Aumenta el cáncer de mama en mujeres menores de 50 años por los estilos de vida