'A Revista' estará hoxe no último día da Semana da Tortilla de Betanzos

O programa A Revista Fin de Semana visita en directo Betanzos no día en que remata a Semana da Tortilla, exaltación gastronómica dedicada ao prato por excelencia da vila. Durante estes días, veciños e visitantes puideron degustar nos establecementos participantes unha gran variedade de tapas elaboradas coa gran protagonista.

Tamén estarán no estudio de gravación o oftalmólogo Andrés Suárez, que explicará como o uso recorrente de pantallas lle está a afectar á saúde visual dos nenos e adolescentes, e Isabel Blanco, presentadora de Pasaporte Galego, programa que a TVG estrea mañá e que contará a historia dos descendentes dos galegos que un día marcharon de Galicia para construír un futuro.