A TVG emite hoxe o programa especial 'Desmontando a túa cidade'
O espazo dará a coñecer a orixe dalgunhas das construcións máis coñecidas de Galicia
Os que pasean preto da Torre de Hércules, os que naceron ao carón da muralla de Lugo, os que teñen cruzado centos de veces a ponte de Rande, os que sempre lles chamou a atención a torre das Pontes... Sexan de onde sexan, os espectadores da Televisión de Galicia (TVG) saberán hoxe, no programa especial Desmontando a túa cidade, como naceron algunhas das construcións e lugares máis coñecidos de Galicia.
Para coñecer de preto estes lugares, que mellor que desmontalos? A TVG converteraos en pezas coas que xogar, apartando unhas, baixando outras, para que a audiencia descubra como se crearon e como foron mudando co tempo paisaxes moi coñecidas.
Desde as grandes infraestruturas ao patrimonio natural, o programa desvelará todos os segredos das cidades da Coruña, Lugo e Ourense, da ponte de Rande e das comarcas do Eume e da Costa da Morte. Ademais, como mostra do programa da semana que vén de Segredo-Desmontando Galicia, amosarase como era nos seus inicios e como é na actualidade o edificio máis visitado de Galicia: a catedral de Santiago.
'A Revista'
Por outra banda, hoxe é o Día Internacional contra a Violencia de Xénero e o equipo de A Revista da TVG estará en institutos galegos onde se imparte a materia Igualdade de Xénero. No estudio de gravación contará coa presenza de Concha Rodríguez, psicóloga experta en terapia con vítimas de violencia de xénero, que falará das secuelas e dos tratamentos que se fan con estas vítimas.
Por outra parte, o magazine da TVG falará do Nadal. Estámonos achegando a esa época do ano en que, vaiamos por onde vaiamos, vemos adornos de Nadal nas rúas dalgunhas cidades, nos centros comerciais, nas tendas, nas casas, etc. O programa estará en directo nun establecemento onde se venden adornos típicos desta época para saber cales son as tendencias deste 2019 e o que máis merca a xente. No estudio de gravación estarán presentes a fotógrafa e deseñadora Teresa Abalde e Marcos Mosquera, artesán reposteiro e bomboneiro.
Temas
Más en Sociedad
-
Page celebra que la reflexión de Sánchez concluya con que él y su familia "pueden con las mentiras" que les dirijan
-
Un médico de familia, José Ramón Parada, será el nuevo gerente del Sergas
-
España suspende en salud mental posparto: el 25% de las mujeres sufren trastornos pero no hay unidades especializadas
-
Uno de los grandes mitos de la DGT: ¿Está prohibido conducir con chanclas?