A RAG celebrará o pleno do Día das Letras Galegas na súa sede da Coruña
A situación sanitaria en Ferrol pola Covid obliga a trasladar o acto deste sábado
A Real Academia Galega (RAG), diante do empeoramento da situación sanitaria en Ferrol, acordou celebrar o pleno extraordinario do Día das Letras Galegas na súa propia sede, na cidade da Coruña.
A institución tiña previsto desenvolver o acto central de homenaxe a Ricardo Carvalho Calero na cidade natal do autor o sábado, cadrando co centenario do seu nacemento, tras pospoñer a tradicional celebración do 17 de maio por mor do confinamento da pasada primavera. Mais atendendo a incidencia crecente da Covid-19 na comarca de Ferrol nas últimas xornadas, a Academia renderalle tributo ao escritor, filólogo, profesor e académico nunha cerimonia que terá lugar no salón de actos da rúa Tabernas á 12.00 horas. e que poderá seguirse en directo a través da páxina web academia.gal.
O acto incluirá catro alocucións sobre a vida e o legado intelectual do homenaxeado a cargo da académica Margarita Ledo Andión e dos académicos Xesús Alonso Montero, Ramón Villares e Francisco Fernández Rei.
A sede da Academia está a ser tamén ao longo do mes de outubro o escenario do simposio organizado pola institución para profundar nas múltiples facianas intelectuais de don Ricardo. O encontro remata hoxe cunha sesión (19.00 horas) sobre as ideas e as achegas ao idioma de Carvalho Calero.
Temas
Más en Sociedad
-
Resultados de la Primitiva del sábado 27 de abril de 2024
-
Sorteo Bonoloto del sábado 27 de abril de 2024
-
Aprobado el nuevo tamaño de las maletas de mano: queda poco para que podamos viajar así
-
Cita con Angie Bru, la doctora que vino a España y se "fugó" a Alemania: "Un médico feliz, que gana más, es un paciente feliz"