Acordo entre a Xunta e Gadis para potenciar o galego entre a mocidade
A Consellería de Cultura, Educación, Formación Profesional e Universidades da Xunta e Supermercados Gadis asinaron un acordo de colaboración para promover o uso do galego nas plataformas dixitais. O obxectivo é potenciar e recoñecer o talento dos mozos que utilizan este idioma para crear contidos orixinais e innovadores nas redes sociais.
A empresa lanzará un concurso de vídeos creativos en TikTok este verán, entre os meses de xuño e setembro, no que se premiarán as mellores pezas en diferentes disciplinas: arte, música, audiovisual e poesía. Os criterios de valoración terán en conta a calidade técnica e do contido, así como a xenialidade amosada no seu desenvolvemento.
“Achegarnos á mocidade e visibilizar o seu talento, á vez que favorecemos o emprego do noso idioma aproveitando as ferramentas que nos ofrecen as plataformas dixitais é un dos nosos obxectivos. Tamén queremos amosar o valor da colaboración público-privada no eido cultural e creativo” , explican responsables de Gadis.
O conselleiro Román Rodríguez e a directora de Marketing e Responsabilidade Social Corporativa de Gadisa Retail, Melisa Pagliaro, selaron o acordo en virtude do cal se desenvolverá esta colaboración a través da Secretaría Xeral de Política Lingüística, coa que se queren establecer vínculos para poñer en valor o Día das Letras Galegas de forma permanente. No acto tamén estiveron presentes o secretario xeral de Política Lingüística, Valentín García, e o director de Comunicación da compañía, José Luis Fernández Astray.
Como empresa cen por cen galega, Gadis foi pioneira en Galicia no recoñecemento e difusión da lingua galega, así como das súas diferentes manifestacións culturais. Cada ano, emprende diversas iniciativas para celebrar o 17 de maio e, en 2023, pretende ampliar a súa conmemoración e alcance con este concurso para chegar aos galegos e galegas máis novas.
Supermercados Gadis ten previstas, ademais, outras accións culturais para dinamizar o uso deste idioma común que reforza a identidade galega.
Temas
Más en Sociedad
-
La sanidad privada quiere atender las urgencias de los turistas en todas las comunidades autónomas
-
La enfermera Alda Recas coordinará el Comité de Cuidados del Ministerio Sanidad: "Es el momento de visibilizarnos"
-
Los lectores eligen la mejor ‘startup’ en los Premios ‘Empresa del Año Banco Sabadell’
-
Banco Sabadell y Prensa Ibérica amplían el alcance de los premios Empresa del Año en 2024