Acordo entre a Xunta e Gadis para potenciar o galego entre a mocidade
Román Rodríguez, Melisa Pagliaro, José Luis Fernández Astray e Valentín García, na presentación da iniciativa. | // L. O. / Redacción
Redacción
A Consellería de Cultura, Educación, Formación Profesional e Universidades da Xunta e Supermercados Gadis asinaron un acordo de colaboración para promover o uso do galego nas plataformas dixitais. O obxectivo é potenciar e recoñecer o talento dos mozos que utilizan este idioma para crear contidos orixinais e innovadores nas redes sociais.
A empresa lanzará un concurso de vídeos creativos en TikTok este verán, entre os meses de xuño e setembro, no que se premiarán as mellores pezas en diferentes disciplinas: arte, música, audiovisual e poesía. Os criterios de valoración terán en conta a calidade técnica e do contido, así como a xenialidade amosada no seu desenvolvemento.
“Achegarnos á mocidade e visibilizar o seu talento, á vez que favorecemos o emprego do noso idioma aproveitando as ferramentas que nos ofrecen as plataformas dixitais é un dos nosos obxectivos. Tamén queremos amosar o valor da colaboración público-privada no eido cultural e creativo” , explican responsables de Gadis.
O conselleiro Román Rodríguez e a directora de Marketing e Responsabilidade Social Corporativa de Gadisa Retail, Melisa Pagliaro, selaron o acordo en virtude do cal se desenvolverá esta colaboración a través da Secretaría Xeral de Política Lingüística, coa que se queren establecer vínculos para poñer en valor o Día das Letras Galegas de forma permanente. No acto tamén estiveron presentes o secretario xeral de Política Lingüística, Valentín García, e o director de Comunicación da compañía, José Luis Fernández Astray.
Como empresa cen por cen galega, Gadis foi pioneira en Galicia no recoñecemento e difusión da lingua galega, así como das súas diferentes manifestacións culturais. Cada ano, emprende diversas iniciativas para celebrar o 17 de maio e, en 2023, pretende ampliar a súa conmemoración e alcance con este concurso para chegar aos galegos e galegas máis novas.
Supermercados Gadis ten previstas, ademais, outras accións culturais para dinamizar o uso deste idioma común que reforza a identidade galega.
- El superalimento que recomiendan cenar tres veces por semana para perder peso y grasa abdominal
- El truco de limón para dormir bien: así es como esta fruta te ayudará a luchar contra el insomnio
- Cómo hacer una tarta de queso Philadelphia para toda la familia: sin horno, rápida, deliciosa y con pocos ingredientes
- Por qué cada vez más gente tiene salvaslips pegados en los cajones
- Aprende a hacer la famosa tarta de queso de La Viña en solo 30 segundos
- La Policía atribuye a un niño con un juguete la alarma por una escopeta en la ronda de Nelle, en A Coruña
- Escotet: "Ver a 14.000 personas en Riazor confirma que haber apoyado el proyecto del Dépor Abanca tenía todo el sentido
- Cambre declara la nulidad de dos contratos en precario tras el dictamen del Consultivo
