Amiga señora Radio

13.02.2016 | 01:13
Amiga señora Radio

Vella amiga de tantos anos xuntos. Señora Radio que hoxe celebra o seu día mundial, circunscrito neste caso ó seu papel como medio de salvación en catástrofes e emerxencias. Sentida, recurrente, amante en tantísimas horas compartidas. Horas íntimas, confidenciais. Horas nas que algún silencio dixo máis que calquera das mellores palabras. A Unesco soubo elexir e Galicia sabe por que. Porque Galicia, irmá, amiga, amante, sempre tivo e ten en ti a confidente. Mais tamén o mellor medio para se enterar do que acontece en cada instante.

Lembro compartir contigo os medos do Erkowit e os seus 2.000 bidóns de pesticida que algúns confundiron con fariña para amasar pan, os do Polycommander, os do Urquiola e a morte do seu capitán coruñés, os do ciclón Hortensia e as desfeitas que provocou en todo o territorio galego, os do pesqueiro Isla e os seus 14 tripulantes finados ao pé da casa nunha noite inesquecible; os medos a un problema que se dixo era nuclear motivado pola varada na praia do Rostro, en Fisterra, do Cason; os inzados na Coruña pola embarrancada ao carón da Torre de Hércules do petroleiro Aegean Sea (Mar Exeo), ou ese xinete mariño que foi o Prestige e que tinguiu de mouro todo o litoral galego...

Sempre estiveche ahí. Dicindo, orientando, informando. E ahí sigues e eu contigo, coma sempre dende hai máis de 60 anos, 45 deles tentando ser un pouco o que tí sempre fuche: veraz.

Hoxe, no teu día, Amiga Señora Radio, coa que nada poden os outros medios ou sistemas de comunicación, grazas por seguir sendo radio, amiga, confidente, amante.

Feliz día para tí e os que agora fan que sigas a ser.

Compartir en Twitter
Compartir en Facebook

Lotería del Niño 2017

Comprobar Lotería del Niño

Toda la información de la Lotería del Niño. Comprueba los números premiados con nuestro widget de la Lotería del Niño.

 
Widget Lotería del Niño

Llévate a tu web, a tu escritorio o a tu iGoogle los resultados de lotería de Navidad y de la lotería del niño. Descárgatelo

 
Enlaces recomendados: Premios Cine