O escritor coruñés Manuel Rivas será o encargado de pregoar a 50 edición da Feira do Libro de Valladolid que se celebrará entre os próximos días 5 e 14 de maio e que dentro do seu programa, aínda non pechado, inclúe un acto de homenaxe a case medio milleiro de profesores de Lingua e Literatura da capital vallisoletana.
A feira deste ano, cuxo cartel anunciador é obra da ilustradora valisoletana Beatriz Martín Vidal, será pregoada o próximo día 5 de maio no Teatro Zorrilla por Rivas, que a organización califica como autor de "recoñecido prestixio na súa faceta novelística, poética e de cronista da actualidade en distintos medios e autor de páxinas inesquecibles como as dos poemas e os contos de Un millón de vacas ou de Que me queres, amor?".
