'O Himno por Andrea Pousa' conmemora o centenario do pasamento de Pondal

O proxecto audiovisual actualiza o himno galego con arranxos musicais de Nani García e inclúe un documental, dous 'videoclips', un 'making of' e unha unidade didáctica

02.06.2017 | 00:50
Asistentes á presentación do proxecto ´O Himno por Andrea Pousa´.

O proxecto audiovisual O Himno por Andr ea Pousa conmemora o centenario do pasamento de Eduardo Pondal, autor da súa letra, e o 110 da estrea do himno galego no Teatro Nacional da Habana. O Pazo de San Roque acolleu o mércores o acto de presentación, no que participaron, canda aos seus autores, Enrique Domínguez (O Bruxo Queiman) e Andrea Pousa, os secretarios xerais de Política Lingüística e da Emigración, Valentín García e Antonio Rodríguez Miranda, respectivamente, e a directora xeral de Relacións Institucionais e Parlamentarias, Blanca García-Señoráns.

García Gómez sinalou que Galicia "ten himno e escudo de seu como, que son, coa bandeira, os símbolos nos que todos os galegos nos recoñecemos". Mais, na súa opinión, o himno ten unha particularidade que o une á cerna de Galicia: está feito de música e de palabras, é "poesía en galego".

O titular de Política Lingüística destacou que se fala moito da importancia da imaxe pero a palabra poética pode ser "impactante e emotiva". "A lingua, que unha persoa pode levar consigo sen que aumente o peso da maleta mesmo na travesía da emigración, é un elemento identitario fundamental. O himno galego únenos aos galegos. de Galicia e aos da emigración", destacou. Valentín García explicou que o himno é elemento de unión porque "está escrito na lingua en que todos nos recoñecemos, que é creación orixinal e única do pobo galego", ademais de polo feito de que "se xestou e se estendeu como himno identificador co empuxe dos galegos de Galicia e dos galegos de América". Así, concluíu que este proxecto "coloca no seu centro o himno galego, a divulgación da súa historia e unha interpretación renovada da composición". O acto, que foi conducido polo xornalista Terio Carrera, contou coa participación do presidente da Real Academia Galega, Víctor Freixanes; o músico Nani García; o presidente da Asociación Santo André de Teixido, Ramón Tudela; o presidente da Fundación Eduardo Pondal, Xosé Lois García; e o cronista Antonio Reigosa.

O proxecto audiovisual O Himno por Andrea Pousa revisa e actualiza o himno galego composto por Eduardo Pondal e Pascual Veiga con arranxos musicais de Nani García. Inclúe un documental, dous videoclips, un making of e unha unidade didáctica para ensino primario e secundario. O documental está baseado en entrevistas con fundacións de autor galegas (Eduar do Pondal, Curros Enríquez, Rosalía de Castro...) e a destacados persoeiros da cultura e da lingua galegas (Xesús Alonso Montero, Xosé Luís Méndez Ferrín, Antonio Reigosa...).

Os videoclips conteñen a interpretación do himno galego por Andrea Pousa, acompañada pola Macedonian Symphonic Orchestra e outros músicos de Galicia, con arranxos de Nani García.

Pola súa banda, o making of dá conta das diferentes rodaxes

e visións sobre o novo proxecto, mentres que o libro recompila información acerca da historia do himno a través doutras 18 entrevistas.

Compartir en Twitter
Compartir en Facebook

Lotería del Niño 2017

Comprobar Lotería del Niño

Toda la información de la Lotería del Niño. Comprueba los números premiados con nuestro widget de la Lotería del Niño.

 
Widget Lotería del Niño

Llévate a tu web, a tu escritorio o a tu iGoogle los resultados de lotería de Navidad y de la lotería del niño. Descárgatelo

 
Enlaces recomendados: Premios Cine