Morre Dorothé Schubarth, a suíza que preservou a música popular galega
Fondo pesar na cultura galega tras a morte da etnomusicóloga que percorreu as aldeas de Galicia nos 70 e 80 para gravar o cancioneiro tradicional
Recibiu o PREMIO OPINIÓN Andaina Senlleira en 2014
A. L.
Fondo pesar na cultura galega. O pasado mércores morreu nun hospital de Basilea aos 79 anos Dorothé Schubarth, a etnomusicóloga suíza que nos anos 70 e 80 percorreu as aldeas do país para rescatar as súas músicas populares. Recibiu o PREMIO OPINIÓN Andaina Senlleira na edición de 2014.
A nova do facelecemento coñeceuse na mañá deste venres e provocou reaccións en cadea. A Real Academia Galega, o Consello da Cultura Galega ou o Museo do Pobo Galego, ademais de numerosos usarios das redes sociais, manifestaron a súa tristura e, sobre todo, o seu agradecemento polo traballo de Schubarth.
Xunto co filólogo Antón Santamarina, a etnomusicóloga recolleu o seu homérico traballo de campo no Cancioneiro popular galego. En realidade, Dorothé Schubarth chegou a Galicia de vacacións en 1978, cando xa era unha investigadora recoñecida, autora de O canto popular en Europa e catedrática de Harmonía e Contrapunto da Academia de Música de Lucerna.
Pero a súas áreas de estudo centrábanse no Balcáns, o Cáucaso, Alemaña e Francia. Aquí ficou impactada pola riqueza musical do repertorio tradicional galego. Nos seguintes cinco anos, coa axuda de Santamarina, percorreu o país para rexistrar e preservar ese tesouro a piques de desaparecer.
Cos anos, a súa tarefa foi amplamente recñocida, tanto polos músicos como polas institucións. Hoxe, no sitio web do Museo do Pobo Galego, pódense consultar todas as súas gravacións.
- El superalimento que recomiendan cenar tres veces por semana para perder peso y grasa abdominal
- El truco de limón para dormir bien: así es como esta fruta te ayudará a luchar contra el insomnio
- La bodega de toda la vida: los clientes de siempre regresan a O Carreteiro
- Baja de precio un ático en Linares Rivas con vistas al mar
- Samu, el central que blinda Abegondo
- Por qué cada vez más gente tiene salvaslips pegados en los cajones
- Cómo hacer una tarta de queso Philadelphia para toda la familia: sin horno, rápida, deliciosa y con pocos ingredientes
- Inditex invertirá 15 millones en construir un comedor en su cuartel general en Sabón