Teresa e José Luis renovan os seus votos tras 40 anos xuntos no 'Casamos' da TVG
O percorrido de 'Que Casas!' polas vivendas de Galicia recala hoxe en Sarria e Outes
Os protagonistas do Casamos desta noite na Televisión de Galicia (TVG), Teresa e José Luis, levan toda unha vida de amor incondicional. Coñecéronse sendo os dous moi novos e desde o momento en que as súas vidas se cruzaron xa non volveron separarse. Ao pouco de comezaren a saír decidiron casar e formar unha bonita familia. A parella permaneceu sempre unida, mesmo nos momentos máis difíciles, cando lle detectaron unha enfermidade a José Luis.
Teresa e José Luis van facer 40 anos xuntos e están decididos a renovar o seu matrimonio coincidindo co sacramento da súa parroquia de Santa Cruz de Castrelo, en Cambados. Con eles, outras parellas tamén están decididas a renovar seus compromisos. A imparable Teresa apura estes días os preparativos dunha voda que parecía sinxela pero na que non falta detalle: alfombra floral, baile, e ata banda de música! Unha voda por todo o alto á que non poden faltar os seus seres máis queridos, que festexarán con eles a súa inesquecible historia de amor.
'Que Casas!'
Por outra banda, o tradicional percorrido de Que Casas! polas vivendas do país comeza hoxe no monte de Santa Cristina, en Sarria, onde vive Belén nunha moderna edificación en perfecta simbiose co bosque que a rodea. En Outes, o programa volverá saudar unha parella formada pola compostelá María e o londiniense Rupert, que guiarán por terceira vez o equipo de Que Casas!, desta volta presentando unha casa de pedra de estilo tradicional.
Temas
Más en Sociedad
-
La DGT pone la lupa sobre las pegatinas: podrá ponerte hasta 200 euros de multa
-
Doctor Lobo, el médico que enseña por toda España una técnica de cirugía ginecológica sin cicatrices: "Son resultados espectaculares"
-
Las entidades antiestigma piden regresos flexibles tras una baja por salud mental
-
El Gobierno aprueba un real decreto para regular la actividad de los ‘influencers’