'Larpeiros festeiros' instala a súa cociña en Corme pola Festa do Percebe
O programa Larpeiros festeiros da Televisión de Galicia (TVG) continúa viaxando a algunhas das festas gastronómicas máis senlleiras de Galicia para cociñar nas rúas e prazas os pratos homenaxeados. Nesta ocasión, aproveitando a XXVI Festa do Percebe do Roncudo, Benigno e Adrián visitan Corme para gozar da gastronomía, descubrir a vila e conquistar o público con cousas ricas. Na praza de Ribeira, os veciños xuntaranse arredor da cociña do programa para tomar boa nota das súas receitas, contar contos, cantar e, por suposto, probar o resultado. Na súa particular homenaxe ao percebe do Roncudo, prepararán uns percebes con cachelos e uns percebes á tixola con puré. Ademais, o máis aventureiro dos Larpeiros acompañará unha esixente percebeira de Corme nunha dura xornada de traballo para coñecer este prezado marisco.
A sobremesa virá da man dunha Larpeira diplomada ben noviña e a súa avoa, que sorprenderán cun biscoito de millo e chocolate.
Pola súa banda, o programa Sopa de Festa continúa este martes ofrecendo unha das celebracións gastronómicas máis destacadas que hai espalladas polo noso país. Esta noite achegará a Festa do Polbo de Mugardos.
Temas
Más en Sociedad
-
Las promesas rotas de los 'niños de la polio': "Somos los discriminados, cada vez más enfermos y nos estamos muriendo"
-
Buenas noticias para los que conviven con mayores de 65 años: Hacienda les 'regala' hasta 2.550 euros al cumplir estos requisitos
-
La Agencia Tributaria avisa a todos los españoles que tengan en propiedad un piso o una casa sobre el IRPF
-
Milleiros de persoas marchan en Santiago para pedirlle á Xunta que traballe polo idioma