Víctor Freixanes falará hoxe no 'Zigzag' da reedición da súa primeira novela

María Solar conversará hoxe no estudio do Zigzag, na súa versión da fin de semana, con Víctor Freixanes, xornalista e escritor, amais de director da Editorial Galaxia, con motivo da reedición de O triángulo inscrito na circunferencia. Esta obra, publicada en 1982 e gañadora dos premios Blanco Amor e da Crítica, é a primeira novela de Freixanes. Agora reeditada en versión revisada polo autor, confírmase como un clásico da narrativa galega contemporánea.