Javier Gutiérrez, Kulunka Teatro e Diego Anido estarán no festival de teatro de Carballo
A 32ª edición da cita internacional terá lugar do 28 de setembro ao 31 de outubro
Redacción
O Festival Internacional Outono de Teatro de Carballo (FIOT) regresará ás salas, ás rúas e a espazos singulares desa localidade para celebrar a súa 32ª edición, do 28 de setembro ao 31 de outubro de 2023, da man de figuras e formacións de referencia da escena actual, como Javier Gutiérrez, Luis Bermejo, Juan Cavestany, Kulunka Teatro e Diego Anido, entre outras.
A ilustradora carballesa Laura Tova firma o cartel deste #32FIOT, cunha ilustración que mostra unha aperta colectiva para avanzar a filosofía do encontro de artes escénicas de referencia de Galicia nesta nova edición: a loita contra a intransixencia a través de personaxes que representan a empatía, o agarimo, o afecto... e que se funden nun abrazo diverso no que a Cultura e Carballo son tamén protagonistas.
Avance do programa
O FIOT traerá a Galicia espectáculos como El traje, escrita e dirixida por Juan Cavestany, con Javier Gutiérrez e Luis Bermejo como protagonistas; Forever, estrea en Galicia da nova creación de Kulunka Teatro, unha das compañías máis celebradas do teatro contemporáneo español e internacional; e O deus do pop, que supón o regreso do performer galego Diego Anido ás táboas do FIOT.
O Dubra Café (novo espazo colaborador do FIOT) acolleu onte a presentación das datas, o cartel e este avance do 32º Festival Internacional Outono de Teatro de Carballo. O acto contou coa participación do alcalde de Carballo, Evencio Ferrero; o director do FIOT, Alberto Sueiro; e a concelleira de Cultura e Festas, Maruxa Suárez Cotelo, que estiveron acompañados pola ilustradora carballesa Laura Tova, autora do cartel.
- Aprobado el nuevo tamaño de las maletas de mano: queda poco para que podamos viajar así
- Poner una hoja de laurel debajo de la almohada: la solución que cada vez hace más gente (y con razón)
- La cena para adelgazar perfecta tiene un único superalimento y lo tienes en casa
- Tres frutas que mejoran tu sueño y te permiten descansar ocho horas del tirón
- Así se las gastaba Borjamina en 'Ahora Caigo': su carrera en solitario antes de integrarse en los 'Mozos de Arousa
- Tamara Falcó admite las limitaciones que le ha impuesto su médico de cabecera: "No puedo, me pica
- El adiós de los Mozos de Arousa en 'Reacción en Cadena': "Mucha gente dejará de verlo
- Poner las perchas al revés en el armario: la útil solución que cada vez copia más gente y con razón