Galaxia lanza o premio literario de maior dotación de Galicia, con 25.000 euros
A convocatoria celebra os 75 anos que cumprirá a editorial en 2025
Mar mato
“É un fito único (...) Cumprir 75 anos como editorial é un signo de vitalidade”. Con esta frase deu o director xeral de Galaxia, Xosé Manuel Soutullo, a benvida ao premio Galaxia de Novela 75 anos que se convereirá no galardón literario galego de maior dotación, un total de 25.000 euros. A convocatoria débese a dúas efeméredes que se celebrarán no 2025: os tres cuartos de siglo da editorial e os 50 anos da publicación dun dos libros referentes da literatura galega contemporánea, “Xoguetes para un tempo prohibido”, de Carlos Casares. De feito, esta obra coñeceuse como gañadora do premio literario que Galaxia convocara polos 25 anos de vida da editorial.
Soutullo explicouno onte en Vigo nunha rolda de prensa na que compareceron tamén Antón Vidal Andión, presidente do Consello de Administración de Galaxia; a presidenta do xurado, Dolores Vilavedra; e o secretario, Marcos Calveiro. Na intervención, Vilavedra subliñou que era “un día importante para a literatura galega porque este premio convócase coa ambición de dinamizar a literatura galega, a escrita narrativa (...) que vive un momento extraordinario con achegas con capacidade renovadora” no contexto do Estado español.
As escritoras e escritores interesados en participar poden enviar o seu exemplar inédito de novela ata o 1 de decembro deste ano. Deberán presentalo baixo plica. As novelas, pola súa parte, deberán ter unha extensión entre os 350.000 e os 700.000 caracteres, con espazos incluídos.
O xurado que lerá todos os orixinais estará conformado por cinco persoas da crítica literaria de diversos eidos e de diferentes idades (xeracións). Galaxia só deu a coñecer a dous dos integrantes (Calveiro e Vilavedra) sen dar datos das outras tres persoas. O fallo será público en abril do 2025 e a distinción vanna entregar o 25 de xullo.
Marcos Calveiro deixou claro que “non vai haber comisión lectora” que peneire os orixinais. Ademais, inda que só declararán unha obra gañadora, o xurado —se o estima convinte— poderá propoñer a Galaxia a publicación dalgún título.
Con esta convocatoria, Galaxia busca atopar unha novela sobresaínte para a poboación lectora de hoxe en Galicia que, a poder ser, faga historia como o fixo Xoguetes para un tempo ferido de Carlos Casares.
- Poner una hoja de laurel debajo de la almohada: la solución que cada vez hace más gente (y con razón)
- Aprobado el nuevo tamaño de las maletas de mano: queda poco para que podamos viajar así
- La bodega de toda la vida: los clientes de siempre regresan a O Carreteiro
- Tres frutas que mejoran tu sueño y te permiten descansar ocho horas del tirón
- Tamara Falcó admite las limitaciones que le ha impuesto su médico de cabecera: "No puedo, me pica
- Ofensiva del Estado contra la Xunta: en una semana pone en duda la validez de cinco normas
- El superalimento que recomiendan cenar tres veces por semana para perder peso y grasa abdominal
- Cómo hacer una tarta de queso Philadelphia para toda la familia: sin horno, rápida, deliciosa y con pocos ingredientes