Galicia homenaxea a Rosalía

Concellos, entidades culturais, museos, centros educativos e institucións de toda a comunidade celebran o día da escritora con actos nos que reivindican o seu papel como "referente necesario"

25.02.2016 | 11:00
Galicia homenaxea a Rosalía
Galicia homenaxea a Rosalía
Galicia homenaxea a Rosalía
Galicia homenaxea a Rosalía

Concellos, entidades culturais, museos, centros educativos e institucións de toda Galicia celebraron onte o Día de Rosalía, na xornada na que se cumpría o 179 aniversario do nacemento da escritora galega, con distintos actos nos que reivindicaron a súa figura como "referente necesario" na busca de "dignidade" para a lingua e a cultura galegas.

O presidente da Fundación Rosalía de Castro, Anxo Angueira, abriu a xornada cun acto de homenaxe na Alameda de Santiago, no que se depositou unha coroa de loureiro na estatua que recorda a Rosalía. O acto contou coa participación de representantes de todos os grupos do Concello compostelano, o alcalde, Martiño Noriega, e o conselleiro de Cultura, Román Rodríguez. Así mesmo, xunto á música das gaitas, varios nenos do Instituto Rosalía de Castro de Santiago leron poemas da autora.

Durante a homenaxe, Angueira destacou que Rosalía de Castro "segue viva" a día de hoxe en ámbitos como o mundo académico, o mundo escolar, as artes plásticas ou a creación musical e reivindicou a vixencia do seu "proxecto". "Con Rosalía naceu a esperanza unha Galicia libre e digna, que quere dignidade para o seu pobo, para a súa cultura e, sobre todo, para a súa lingua", resumiu.

Na mesma liña, o alcalde de Santiago fixo fincapé no "espazo de incomodidade" que Rosalía de Castro "habitou" para o seu tempo, con respecto ás "posicións" que adoptou "como muller" e como escritora.

Tamén a súa vixencia sacou a colación o conselleiro de Cultura, Román Rodríguez, quen instou aos galegos a "unirse en torno a Rosalía" eloxiou o seu "pensamento transformador" como muller e "como persoa comprometida coa lingua e a cultura" de Galicia.

Aínda que Rosalía de Castro naceu en Santiago, a localidade na que viviu a maior parte da súa vida e onde está a súa casa, Padrón, tamén acolleu onte distintos actos. A Fundación Rosalía e o Concello de Padrón celebraron un acto de homenaxe con "música e flores" no Esporón, no que participaron as cantareiras do Grupo Rosalía.

En A Coruña, a Real Academia Galega (RAG) celebrou tamén o Día de Rosalía cun concerto de Amancio Prada, quen interpretou algúns dos poemas máis coñecidos de la escritora musicados.

Tamén se programaron actividades en outros centros da cidade, como foi o caso da Biblioteca Infantil e Xuvenil municipal, que acolleu pola tarde unha lectura de textos da poeta. Así mesmo, en colaboración coa Asociación Galega de Escritores en Lingua Galega, a Biblioteca Municipal do Centro Ágora foi escenario, tamén, unha lectura en voz alta protagonizada por colectivos, asociacións e escritores.

Compartir en Twitter
Compartir en Facebook

Lotería del Niño 2014

Comprobar Lotería del Niño

Toda la información de la Lotería del Niño. Comprueba los números premiados con nuestro widget de la Lotería del Niño.

 
Enlaces recomendados: Premios Cine