Celso Parada - Fundador do Teatro do Morcego

"Estamos nunha etapa de resistencia e non hai ningunha gana de que isto funcione por parte dos gobernantes"

27.03.2016 | 03:58
O actor e director Celso Parada. | gonzalo núñez

Son 27 os anos que a compañía naronesa Teatro do Morcego leva en activo, con prácticamente función por ano dende a súa creación no 1989. O seu fundador, o actor e director Celso Parada, recibe as felicitacións polos seus cinco nomeamentos aos próximos Premios María Casares por Presidente „entre elas mellor dirección e mellor espectáculo„, ao outro lado do teléfono. "Nos non imos con espectativas ningunha á gala. Para nós é un recoñecemento estar neses nomeamentos, sobre todo porque é un espectáculo que está tendo un gran recoñecemento do público e iso para nós é importante. Despois, que os compañeiros recoñezan ese traballo pois tamén é magnífico", comenta Parada.
A obra „ que conta a visita dun presidente a diferentes casas onde habitan familias das máis dispares clases sociais para recabar votos por temor a non revalidar o mandato„ cumple o tópico de que a realidade supera a ficción. "Visto o visto, agora pode pasar algo peor ao que nós facemos! (risas). O divertido da clase política é que é incriblemente teatral e é capaz de superarnos aos cómicos en todas as frontes", sinala o actor, quen destaca que "este é un espectáculo oportuno que non oportunista. O espectador demanda tamén actualidade, que se fale do que esta a pasar, e iso é unha parte do gran éxito do Presidente. Tamén hai que ter en conta que está feito ad hoc, no sentido de que foi escrito polo naronés José Luis Prieto, en colaboración co Concello de Narón, polo que digamos que aínda hai concellos que promoven que se fagan cousas así, dramaturxias novas como é neste caso".
A necesidade de rirnos das desgracias é para Celso Parada algo propio do noso carácter dende tempos ben afastados. "Xa nos misterios medievais, onde os xoglares criticaban a realidade e aos bispos, os poderes fácticos da época... Rimos da realidade. Xa xurdira con aquelo da boda da filla de Aznar; o espectador necesita esa sátira, porque a realidade a veces é cruel, ofensiva, terrible... en vista das calamidades e situacións económicas e sociais que se están a vivir".
O actor e director recoñece que non foi fácil aguantar 27 anos enriba do escenario, sobre todo nestes últimos oito anos, debido a que as condicións económicas e o traballo dalgunhas institucións non axudaron a que este sexa un traballo doado. "A raíz da crise, empeorou moitisimo a situación e aí estamos resistindo. Primeiro baixaron as axudas á produción teatral, á distribución, os concellos teñen cada vez menos diñeiro e non poden programar, por tanto nos baixou por todas partes e ao mesmo tempo temos un IVE que é realmente terrible. Ti non podes ir a un teatro e acabar perdendo diñeiro porque ao mellor non sacas ese día para pagar aos actores, entón claro eso retrae a actividade", denuncia Parada.
¿Falta vontade política? "Por suposto, porque non hai ningunhas ganas de facer que funcione por parte dos gobernantes. Pero a pesar de todo a xente ten que facer teatro, cine... moverse entre toda a precariedade. Estamos nunha
etapa de resistencia e aí seguiremos", comenta.
O fundador de Teatro do Morcego non sabe se mostrarse esperanzado co novo devir político pero o que sí que ten claro é que "ten que haber un cambio da actitude a prol da cultura. A cultura é imprescindible na sociedade, como a educación, a sanidade... bens que son un pouco a saúde dunha sociedade. Se prescindimos deses bens necesarios evidentemente a cidadanía debe actuar en consecuencia, como xa ocorreu".
Porque a pesar das dificultades á hora de sacar un espectáculo adiante, dende a compañía naronesa notan que a xente desexa ir ao teatro. "Incluso creo que houbo un repuntiño de público, porque tamén aquelo de que ´a necesidade agudiza o enxeño´ soe pasar aquí. Xa saía no Lazariño de Tormes „obra que a compañía naronesa representou dende 1998 e que lle valeu o Premio María Casares á mellor versión„ cando o neno tiña que roubarlle ao cura aqueles pans aos que non tiña acceso. A situación nos obriga a ser máis críticos, a facer cousas de máis actualidade, e iso a o público tamén lle interesa", explica Parada, quen comenta que a compañía anda inmersa nun novo espectáculo de pequeno formato, Nosa señora das nubes, do escritor arxentino Arístides Vargas, un "texto moi bonito que fala da problemática dos exiliados dende o punto de vista de realismo máxico".

Compartir en Twitter
Compartir en Facebook

Lotería del Niño 2017

Comprobar Lotería del Niño

Toda la información de la Lotería del Niño. Comprueba los números premiados con nuestro widget de la Lotería del Niño.

 
Widget Lotería del Niño

Llévate a tu web, a tu escritorio o a tu iGoogle los resultados de lotería de Navidad y de la lotería del niño. Descárgatelo

 
Enlaces recomendados: Premios Cine