Realizado o primeiro trasplante de fígado dun adulto vivo a un bebé en España

A receptora, unha nena de nove meses e cunha enfermidade conxénita, recibiu o 20% do fígado da súa tía n A operación, feita en Córdoba, realizouse con laparoscospia

17.05.2016 | 00:57
Ana Rodríguez, a doante en vivo, xunto á súa sobriña, Emma.

Máis de 25 profesionais do Hospital Universitario Reina Sofía de Córdoba realizaron por primeira vez en España un inxerto do 20% do fígado dunha muller de 35 anos á súa sobriña, de nove meses, mediante ciruxía laparoscópica, un fito sen precedentes. A pequena Emma naceu o 9 de xuño de 2015 cunha atresia de vías biliares, unha enfermidade conxénita pouco habitual que fai que os condutos que transportan a bilis desde o fígado ata a vesícula se obstrúan. "Estaba moi amarillita, inflamada e tardaba horas en facer a dixestión dos biberóns", explicou onte a súa nai, Maribel Rodríguez.

Por iso e ante a lentitude da lista de espera de doacións de fígado de falecidos, os médicos optaron por realizar as probas de compatibilidades aos familiares, o que posibilitou cunha tía da rapaza -a irmá da nai, Ana Rodríguez- doase un 20% do seu fígado. "Animo a todo o mundo a que sexa doante porque a recompensa de ver á miña sobriña sana e feliz supera as molestias da operación", sinalou onte esta moza, que so ten algunhas pequenas secuelas estéticas, menores cas de calquer muller que se somete a unha cesárea, precisaron os médicos.

As dúas intervencións necesarias para conseguir este logro, unha de extracción e a de implante do segmento hepático, precisaron once horas de traballo dun equipo de 25 profesionais repartidos en dous quirófanos. O responsable do programa de trasplantes de fígado do hospital cordobés, Javier Briceño, explicou que a técnica empregada "é de alta complexidade e precisión, se ben aporta vantaxes considerables para o doante porque é menos agresiva e o postoperatorio acórtase", sendo a súa recuperación máis rápida, xa que a intervención se realizou o pasado 15 de marzo e ambas, tía e sobriña, atópanse en perfecto estado de saúde.

Briceño aventurouse a dicir que esta intervención quirúrxica "abre a porta a que a ciruxía laparoscópica en trasplantes hepáticos en nenos sexa a técnica estándar nas donacións de doantes vivos", porque "a pesar de súa dificultade, é unha técnica moi controlada, minimízanse os riscos para doante e receptor".

Unha das principais vantaxes de esta técnica é que os vasos sanguíneos de Emma, que miden 2 milímetros, se poden ampliar ata en 2 centímetros para que os ciruxáns poidan traballar cunha mellor visualización que si o fisexen nunha intervención quirúrgica tradicional. Existen precedentes a nivel nacional no uso da laparoscopia para a extracción hepática cando o receptor é un adulto, pero é a primeira vez que vai para un bebé.

Compartir en Twitter
Compartir en Facebook

Lotería del Niño 2017

Comprobar Lotería del Niño

Toda la información de la Lotería del Niño. Comprueba los números premiados con nuestro widget de la Lotería del Niño.

 
Widget Lotería del Niño

Llévate a tu web, a tu escritorio o a tu iGoogle los resultados de lotería de Navidad y de la lotería del niño. Descárgatelo

 
Enlaces recomendados: Premios Cine