Día das Letras Galegas

Casares, epicentro da cultura galega

Os actos centrais das Letras Galegas celebraranse hoxe en Xinzo de Limia, onde se criou o autor de 'Vento ferido' - Queremos Galego organiza unha marcha en defensa do idioma

17.05.2017 | 17:10
Familiares de Casares descobren, onte, unha praca conmemorativa en Ourense.

Actos

  • Xinzo de Limia. Sesión extraordinaria da RAG e acto institucional con presencia de Alberto Núñez Feijóo, entre outros representantes da Xunta, en Xinzo. Nesta localidade haberá tamén recitais, un roteiro e mesmo unha concentración motera en honor a Casares
  • Santiago. Compostela será como cada ano o lugar no que se celebrará unha manifestación, convocada por Queremos Galego, en defensa do idioma. Partirá as 12.00 horas da Alameda
  • A Coruña. Obradoiros, concertos ou recitais conforman algunha das 42 actividades organizadas na cidade en colaboración cunha ducia de librerías coruñesas

Unha sesión extraordinaria da Real Academia Galega en Xinzo de Limia e un acto posterior, con asistencia de representantes da Xunta, conformarán hoxe os actos de celebración das Letras Galegas que este ano adícanse a Carlos Casares. Pero moitas localidades non agardaron ata hoxe e xa onte fixeron a sú particular homexa ó escritor ourensán. Santiago organizou lecturas dos seus textos ou unha conferencia sobre o papel de Casares como dinamizador cultural e defensor da lingua galega mentras que en Ourense 'inaugurouse' unha praca en honor ó escritor de 'Vento ferido'

Os actos centrais da celebración do Día das Letras Galegas terán lugar hoxe na localidade ourensana de Xinzo de Limia, onde se criou o escritor Carlos Casares -protagonista das Letras este ano-, pero as homenaxes ó autor comenzaron xa onte e sucedéronse por toda a comunidade: lecturas de textos en Santiago, a colocación dunha praca de bronce en Ourense ou actos para resaltar o papel de Casares como dinamizador cultural. Unhas homenaxes que culminarán hoxe coa celebración dunha sesión extraordinaria da Real Academia Galega (RAG) e un acto oficial posterior en Xinzo.

O Concello de Ourense, cidade natal de Casares, rendeu homenaxe o autor coa entrega á súa familia do diploma co que en 2003 recoñecíaselle como Fillo Predilecto da cidade e co descubrimento dunha placa de bronce que reproduce ao rostro do autor de Vento ferido na traseira do Liceo Recreo Ourensán, entidade que consideraba como "a súa segunda casa". "As Letras Galegas son a escusa perfecta para saldar a débeda de gratitude que Ourense ten con Carlos Casares", sinalou o alcalde da cidade, Jesús Vázquez, momentos antes do descubrimento da placa realizada polo artista Xosé Cid.

O descubrimento correu a cargo do fillo maior do autor, Haakon Casares, e do irmán do escritor, Xabier Casares. Ambos tiveron palabras emocionadas antes de destapar a placa-escultura na que se le O pobo de Ourense ao seu fillo predilecto Carlos Casares Mouriño.

Xabier Casares, presidente da Fundación Carlos Casares, mostrouse "feliz" pola localización da escultura de Xosé Cid na traseira do Liceo, unha institución que cualificou a "segunda casa" do seu irmán na cidade". Ademais, agradeceu que o seu irmán vaia a "estar rodeado de libros e amigos", en referencia á proximidade da escultura que representa a "o seu íntimo amigo" Eduardo Blanco Amor e da placa do recuncho do lector. "A xente que se achega nas homenaxes non me di o bo escritor que era, senón que era boa persoa", dixo na súa intervención o fillo maior de Carlos Casares, Haakon Casares.

Para o primoxénito do autor, a homenaxe na cidade, previo ás Letras Galegas, é "especialmente emotivo" porque "lle inspirou para realizar a súa obra". "Ourense é unha cidade onde a cultura e as artes teñen unha presenza moi importante. Casares sen Ourense non se entendería", concluíu.

O descubrimento da placa produciuse despois da actuación da Coral de Ruada, nun acto que, ademais da presenza da familia de Casares, contou coa participación do secretario xeral de Política Lingüística, Valentín García, e de Xesús Alonso Montero, expresidente da Real Academia Galega. Para Valentín García o recoñecemento institucional a Carlos Casares culmina un proceso "histórico" iniciado no ano 2003 coa proposta de nomealo Fillo Predilecto da Cidade. O secretario xeral de Política Lingüística tamén destacou a localización do busto do autor de Os mortos daquel verán nun lugar "onde a el lle gustaría estar", na traseira do Liceo "onde pasou tantas horas de faladoiro" e nunha praza con nome de bispo "que lembra á súa obra Ilustrísima".

Por outra banda, varios actos en Santiago adiantaron tamén a homenaxe o autor protagonista este ano das Letras Galegas. O Concello de Santiago, cidade na que Casares viviu varios anos, celebrou un acto na praza que leva o nome do autor ó que acudiron varios veciños que leron pezas da obra literaria de Casares, concretamente, Seis Retratos escritos durante a súa época universitaria na cidade.

Ademais da lectura das pezas, esta xornada contou coa participación da Banda Municipal de Música, que interpretou tres pezas: o pasodobre Compostela e as xotas Churrusqueira e Feiticeira.

O alcalde de Santiago, Martiño Noriega, foi o encargado de clausurar este encontro, que describiu como "popular" e orientado a homenaxear o autor nos barrios, "como a el lle gustaría". "Hai unhas semanas debatiamos no Concello o lugar no que facer este acto", lembrou o rexedor, que destacou que decidiron celebralo en San Lázaro para facer á cidadanía "partícipe" deste Día das Letras Galegas. Segundo defendeu Noriega, ademais das Letras Galegas débese "reivindicar todo o ano" a cultura e a lingua galega desde a "normalidade".

Tamén a Universidade de Santiago quiso ter unha lembranza para Casares pero mais aló da súa faceta coma escritor. Por iso o seu amigo Henrique Monteagudo impartiu unha charla no que resaltó o seu papel como dinamizador cultural, o seucompromiso co idioma e co movemento movilizador estudantil e antifranquista.

Compartir en Twitter
Compartir en Facebook
selectividad 2017 A Coruña

Toda la información sobre la selectividad

Consulta aquí toda la información sobre las pruebas de acceso a la Universidad: notas de corte, resultados y noticias


Lotería del Niño 2017

Comprobar Lotería del Niño

Toda la información de la Lotería del Niño. Comprueba los números premiados con nuestro widget de la Lotería del Niño.

 
Widget Lotería del Niño

Llévate a tu web, a tu escritorio o a tu iGoogle los resultados de lotería de Navidad y de la lotería del niño. Descárgatelo

 
Enlaces recomendados: Premios Cine