Obxectivo: cero lixo en San Xoán
Os participantes do programa 'Móllate' farán vídeos, programas de radio e accións na rúa para concienciar sobre o medio ambiente
Oito centros educativos da cidade participan na nova edición do programa Móllate, que nace co obxectivo de concienciar sobre o medio ambiente e diminuír o lixo nas praias na noite de San Xoán.
Alumnos de Sardiñeira, Tomás Barros, Ánxel Casal, Eusebio da Garda, Calasancias, Fernando Wirtz, Nebrija e membros da Fundación Érguete farán vídeos, programas de radio e accións na rúa para levar esta mensaxe de sensibilización a toda a sociedade.
Entre os actos programados, destaca a construción con lixo dun cachalote xigante. Ademais, algúns monumentos da cidade aparecerán plastificados e unha furgoneta surfeira recorrerá os barrios días antes de San Xoán para avisar da importancia de non tirar cousas ao mar. Un dos retos para o próximo 23 de xuño é eliminar os palés dos areais, xa que deixan moitos cravos que supoñen un perigo.
O alcalde, Xulio Ferreiro, que visitou onte os participantes de Móllate, considera que é "importante enfocar este tema dende a xente xove" porque se trata "dunha xeración concienciada cos problemas ambientais".
Temas
Más en A Coruña
-
Bershka estrena en A Coruña un nuevo concepto de tienda con probadores colectivos
-
Una avería deja sin electricidad a cerca de 500 vecinos de Ronda de Outeiro
-
Ataque con cócteles molotov contra una furgoneta del servicio de limpieza de A Coruña: el STL pide "investigar los hechos"
-
El BNG reclama un cambio del presupuesto de A Coruña para pagar 3,6 millones de las fiestas