26 de enero de 2013
26.01.2013

A RAG recibe a biblioteca de Arjona, un dos fundadores da UPG

Méndez Ferrín asegura que hai "movementos e consultas" para apoiar a Academia

26.01.2013 | 02:17

Natalia Gómez, viúva de Xosé Antón Arjona Santiago, doou á Real Academia Galega (RAG) unhas 60 caixas con libros, documentos, anotacións e artigos de Arjona, un dos primeiros fundadores da Unión do Povo Galego (UPG) en 1963.

"É unha biblioteca xeralista", indicou o presidente da RAG, Xosé Luís Méndez Ferrín, durante o acto no que se asinou un documento para certificar a doazón que, segundo cualificou Méndez Ferrín, resulta un "fondo impagable" para a RAG.

Así, entre os libros que formaban parte da biblioteca de Arjona e que agora pasa a custodiar a RAG destacan obras en inglés, francés e ruso.

Entre elas, as obras completas de Karl Marx e Friedrich Engels, ou a obra de Lenin en ruso. "Son obras que en Galicia só se poderán consultar na RAG", sinalou o seu presidente.

Arjona Santiago naceu na Coruña en 1934. Estudou Filosofía e cursou estudios en Londres e París. En 1963 participou, xunto con Xosé Luís Méndez Ferrín, Xaime Quesada ou Reimundo Patiño, na primeira fundación da UPG, como un partido marxista e nacionalista galego que máis tarde sería refundado.

Pola súa banda, Natalia Gómez mostrouse moi agradecida e indicou que a RAG é "o sitio idóneo" para depositar "a riqueza cultural" que posuía o seu marido, en referencia á biblioteca e demais bens que agora se suman ao fondo da institución galega.

A marxe desta cuestión, a preguntas dos medios, Méndez Ferrín indicou que "hai movementos e consultas" para apoiar á RAG e garantir o seu futuro, aínda que precisou que "é algo que non nos compete senón a líderes sociais e culturais que se mobilicen para buscar os fondos", afirmou respecto ao financiamento da institución.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario