19 de mayo de 2019
19.05.2019
La Opinión de A Coruña

MIÑO
Henrique Abraira, candidato do BNG de Miño

"Queremos reactivar Miño, facer do concello un sitio no que a xente queira vivir"

18.05.2019 | 22:30
Henrique Abraira.

Henrique Abraira estréase en política co reto de "acadar representación" en Miño. O BNG estivo a piques de lograr un concelleiro no 2015 e os nacionalistas confían en que nas municipais cristalizará o incremento de apoios rexistrado nas últimas xerais no concello. "Nas xerais subimos moitísimo e albergamos a esperanza de poder lograr representación. A impresión nas visitas ás casas é positiva", sostén Abraira.

O candidato fai un balance moi crítico do mandato. "Se aplicaron as políticas do PP", afirma Abraira. "O único que fixeron foi sobrevivir a conta do que fose, recurriron sistemáticamente as sentenzas e acumularon máis débeda", denuncia o líder da formación nacionalista, que lamenta o "abandono total e absoluto do rural" e "das políticas culturais".

Consultado polas súas prioridades, o ten claro. "O primeiro, que entren novos aires no Concello, democratizalo", explica e engade: "E despois, o principal é reactivar Miño, facer de Miño un sitio atractivo no que a xente quera vivir. O rural de Miño é unha zona totalmente abandonada e cunha riqueza impresionante", destaca. Abraira aboga por promocionar as variedades autóctonas como o millo de Callobre, potenciar o uso da vivenda baleira e desestacionalizar o turismo de Miño.

Compartir en Twitter
Compartir en Facebook

Elecciones en A Coruña

Domingo 26 de Mayo de 2019

Galicia, A Coruña, España