A banda deseñada para contar historias

Cinco son os cómics que firman os estudantes de 6º de Primaria do CEIP de Seixo. Dende unha perspectiva divertida e orixinal, os estudantes prepararon historias protagonizadas, na súa maioría, por animais, que descubren pouco a pouco o que é a peregrinaxe a Santiago.

O primeiro e que aparece sobre estas liñas é “Animales Peregrinos”, firmado por Nerea Lagos. Narra as aventuras dun erizo e unha xoaniña... que atopan a un zorro con intencións de destruir o Camiño de Santiago! Non queremos facer spoiler, así que para saber como remata podes visitar a exposición dos traballos na web de Faro de Vigo.

A seguinte historia tamén a protagonizan unha serie de animais, e é creación de Daniela Carracelas. Da súa man nace o “Equipo @”, que debe descubrir o villano tras o gran misterio: alguen roubou a tumba do Apóstol! Este simpático grupo emprenderá unhamarcha para descubrir quen está detrás do crime e devolver a reliquia ao seu lugar.

O Camiño tamén é solución para plans con amigos, e esa é a premisa do terceiro cómic, de Noa Pazos, que conta a historia de Fernanda, Luisito e Alfonso, que un día de aburrimento deciden emprender a peregrinaxe a Compostela. Por suposto, a súa viaxe está repleta de sorpresas.

O seguinte cómic é creación de Adrían García, que trae a “Panchito y sus secuaces” a esta Edición de Escola en Camiño. Unha historia repleta de obstáculos en dirección a Compostela que non deixan a ninguén indiferente.

E por último, o derradeiro cómic galardoado é o de Xiana Otero, que firma a obra “Locura extrema”. Con ese título un xa pode comezar a imaxinar o tema central da historia: Marco e Mauro escapan de casa e comezan a ser perseguidos polo malvado Ramiro. Cal é a súa sorpresa cando descubren que, tras correr e correr, remataron o Camiño!

Marcados pola comedia e a orixinalidade, estes cómics do CEIP de Seixo levan uns Premios Especiais máis que merecidos!