Un Pórtico da Gloria con estilo manga
» Dentro da categoría de Premios Especiais, o IES Escolas Proval leva un galardón pola súa orixinalidade
C. M.
Só tres cores: branco, negro e vermello. É o único que precisa Isis Acea para darlle vida a súa visión particular do Pórtico da Gloria. Non fai falla preguntar, sabemos que estamos ante unha fan do manga e o anime. Está claro cando observamos as expresións e os ollos de cada unha das persoaxes do seu debuxo.
É case como observar a restauración do Pórtico! Se miramos cara o centro da composición atopamos a Xesús, na súa postura de Pantocrator, coas palmas extendidas para comezar o Xuízo. Ao seu carón, temos os apóstolos e demáis figuras do Antigo e o Novo Testamento, cada un con accesorios que sinalan ao espectador a súa identidade. Nin sequera falta o sorriso do profeta Daniel, asomado na esquina esquerda e apoiándose nunha columna.
Na parte superior vemos o semicírculo conformado polos músicos, cos seus instrumentos debuxados con todo luxo de detalles: somos capaces de ver ata a famosa zanfona!
Os ánxeles observan a estampa, presidindo unha obra con ducias de pequenas figuras, que aportan realismo a este debuxo, presentado baixo o nome de “Camiño ao Ceo”.
Por iso, tamén en cor vermella e dirixíndose ao centro da pintura, atopamos unha serie de pegadas, dos peregrinos, que comezan en cor negro antes de convertirse a escarlata, simulando o momento no que por fin chegan a Santiago e entran na Catedral. Estas concéntranse en torno do protagonista:a figura sentada do Apóstol Santiago, rodeada de cor vermella, case brillando nela.
É sobre el onde recaen as miradas dos peregrinos, aos que vemos de espaldas pero sabemos sen dúbida que están a contemplar a xoia do románico. Case esquecemos que se trata dun debuxo!
Así, dende o IES Escolas Proval, Isis Acea firma unha das obras máis bonitas desta edición de Escola en Camiño, que ben merece ese Premio Especial á Creatividade. Moitos parabéns, Isis!
- El superalimento que recomiendan cenar tres veces por semana para perder peso y grasa abdominal
- La bodega de toda la vida: los clientes de siempre regresan a O Carreteiro
- El truco de limón para dormir bien: así es como esta fruta te ayudará a luchar contra el insomnio
- Baja de precio un ático en Linares Rivas con vistas al mar
- Samu, el central que blinda Abegondo
- Por qué cada vez más gente tiene salvaslips pegados en los cajones
- Cómo hacer una tarta de queso Philadelphia para toda la familia: sin horno, rápida, deliciosa y con pocos ingredientes
- Inditex invertirá 15 millones en construir un comedor en su cuartel general en Sabón