27 de marzo de 2018
27.03.2018

Diego González Rivas protagoniza hoxe 'O gato con botas' da TVG

Manquiña descubrirá a cara máis descoñecida do cirurxián torácico coruñés, un dos especialistas máis reputados do mundo

27.03.2018 | 02:02
Manquiña conversa con Diego González Rivas.

O programa O gato con botas da Televisión de Galicia (TVG) pon hoxe rumbo á Coruña, onde estará agardando polo equipo do programa un médico recoñecido como un dos mellores especialistas a nivel mundial: Diego González Rivas, cirurxián torácico.

De neno contaba chistes e desexaba que ninguén morrese mentres xogaba a ser actor. De nai enfermeira, Diego González Rivas aborrecía o sufrimento, un motivo que o levou a estudar Medicina e a especializarse en cirurxía torácica por ser unha das especialidades máis dolorosas para os pacientes.

Sendo residente, viaxou os Estados Unidos para estudar técnicas menos agresivas e volveu cargado de ideas e de esperanza. Xunto co seu equipo do Complexo Hospitalario Universitario da Coruña (Chuac) creou, en 2010, a técnica Uniportal VATS, única no mundo, para operar o cancro de pulmón a través dunha soa incisión no costado. Cun equipo permanente no hospital pulmonar máis importante da China, hoxe Diego é unha eminencia que viaxa por todo o mundo ensinando a súa técnica, e operando en case calquera circunstancia.

Nos seus escasos ratos de lecer, divírtese practicando deportes de risco e xa traballa con Google no prototipo dun robot que revolucionará a cirurxía tal e como a entendemos.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


Neomotor

Toda la información sobre el mundo del motor

Conoce las últimas tendencias y las novedades en coches, motos y la industria automovilística.