10 de abril de 2018
10.04.2018

A Xunta convoca o campionato 'GaliciaSkills 2018'

10.04.2018 | 01:27

A Consellería de Cultura, Educación e Ordenación Universitaria convocou o V Campionato Galego de Formación Profesional, GaliciaSkills 2018, que se celebrará en novembro na Feira Internacional de Galicia Abanca, en Silleda. A competición busca darlle maior proxección á FP que se imparte na comunidade, e que en anos anteriores ten colleitado éxitos na edición a nivel nacional, SpainSkills. O campionato, de carácter práctico, consistirá no desenvolvemento de 23 competicións relacionadas coas especialidades (skills) de formación profesional, nas que o alumnado participante medirá as súas destrezas e demostrará as súas capacidades na realización das probas. As especialidades convocadas son as de Tecnoloxía do automóbil, Pintura do automóbil, Pintura e decoración, Fontanería e calefacción, Instalacións eléctricas, Ebanistaría, Xardinaría paisaxística, Refrixeración e aire acondicionado, Mecanizado, Electrónica, Control industrial, Mecatrónica, Robótica móbil, Soldadura, Solucións de software para empresa, Floraría, Tecnoloxía da moda, Peiteado, Estética, Panadaría, Cociña, Servizo de restaurante e bar e a de Recepción hoteleira. Ademais, haberá unha demostración de Animación 3D e xogos.

Haberá dous premios por competición. A persoa gañadora do primeiro premio en cada skill representará a Galicia na Olimpíada Nacional de Formación Profesional, SpainSkills 2019, que se celebrará en Madrid. Este alumnado, xunto cos xefes de equipo, conformarán o equipo galego que representará a comunidade en SpainSkills 2019.

Compartir en Twitter
Compartir en Facebook

Selectividad 2018 A Coruña

Aprobados Selectividad A Coruña 2018

Consulta aquí toda la información sobre las pruebas de acceso a la Universidad: notas de corte, resultados y noticias


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario