08 de diciembre de 2018
08.12.2018

A TVG homenaxeará o luns ao mítico personaxe de Miro Pereira

A canle autonómica dedicará un especial ao protagonista da exitosa serie 'Pratos combinados', ao que deu vida o falecido Ernesto Chao

08.12.2018 | 02:01
Ernesto Chao, como Miro Pereira.

A Televisión de Galicia (TVG) renderá homenaxe o luns a un dos personaxes máis icónicos da canle pública, Miro Pereira, o dono do bar Suízo na serie Pratos combinados. Durante máis dunha década, o falecido actor Ernesto Chao deu vida a este home de non moitas luces, vago e avaro, sempre metido en leas co seu cuñado Antón.

A noite de Miro Pereira achégalles aos espectadores as distintas facetas do creador dun estilo propio, que mesmo sobreviviu ao personaxe. As cámaras da TVG estarán na Estrada no bar A casa de Miro Pereira para recoller o testemuño de tres fans da serie que introducirán as distintas seccións dun programa clave para entender o estilo Miro Pereira. Por exemplo, falarase das súas innovacións culinarias, como o bocadillo de xamón sen xamón ou o café con mondas de pataca, e tamén da súa peculiar linguaxe, con verbas como "miñoca", "bertorella" e a mítica expresión "mecagho no mundo".

A TVG emitirá o biopic dun personaxe de ficción con tanto arraigamento na cultura popular galega que chegou a ter vida propia. O hostaleiro máis famoso de Galicia, ourensán retornado de Suíza, montara o bar Suízo coa súa dona Balbina, máis ben para que traballara ela mentres el argallaba co cuñado. Farta de aturalo, Balbina marchou e foi a súa curmá Olimpia a que tivo que ser testemuña das súas ocorrencias desde entón. Os fans do estilo Miro Pereira, non poden perder este programa! Irá acompañado dos especiais Queremos tanto a Miro e Escola de trampulleiros, que recordarán algunhas fazañas en Pratos combinados.

Compartir en Twitter
Compartir en Facebook
En estas fiestas, sobran los motivos para beber elaboraciones de vino gallego. En 2018, Galicia firmó la segunda mejor cosecha de su historiay nuestras bodegas despiden el año con un buen balance en todos los sectores 

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


Neomotor

Toda la información sobre el mundo del motor

Conoce las últimas tendencias y las novedades en coches, motos y la industria automovilística.