17 de mayo de 2019
17.05.2019
La Opinión de A Coruña

A apuñalada en Vimianzo segue na UCI, pero descártase lesión medular

O presunto agresor tamén está ingresado tras autolesionarse || Unha antiga parella do home xa o denunciara por malos tratos

16.05.2019 | 21:33

A muller que foi apuñalada o mércores en Vimianzo supostamente pola súa exparella, continúa ingresada na UCI do Hospital Clínico de Santiago, aínda que está estable con "unhas condicións boas de saúde", segundo informou onte a subdelegada do Goberno na Coruña, Pilar López-Rioboo, quen asegurou que pese a que o detido clavoulle o coitelo no pescozo e temíase que a vítima puidese ter lesións medulares, "en principio están descartadas". Ademais o agresor tamén está ingresado, neste caso no Complexo Hospitalario da Coruña, tras autolesionarse.

Tras pasar pola UCI, a exparella da vítima Javier M., atópase estable en planta tras ser intervido dun problema renal á espera de pasar hoxe a disposición xudicial, xa que a Garda Civil continúa realizando as dilixencias de investigación, segundo fontes do Tribunal Superior de Xustiza de Galicia. O detido „que tras apuñalar a vítima no seu posto de traballo fuxiu e foi atopado pasadas horas nunha praia de Muxía„ foi trasladado o mércores á noite desde o hospital de Cee, onde lle fixeron un recoñecemento médico, á UCI do Chuac, onde o trataron duns cortes superficiais nos pulsos e foi operado tras unha complicación que derivou nun problema nefrítico.

Este home, excandidato de Compromiso Por Galicia en 2015 e actor (apareceu en varias series da Televisión de Galicia), está acusado de cravar un coitelo no pescozo a Montse L.M. o mércolres pola mañá na sede de Vimianzo do sindicato Unións Agrarias, onde ela traballa, o que lle provocou feridas de gravidade.

A vítima non o denunciara nunca, polo que non constan antecedentes ou ordes de protección en relación a ela, pero si existe unha denuncia previa doutra muller contra él por violencia machista á que se lle puxo protección, explicou a subdelegada do Goberno.

Pilar López-Rioboo lamentou esta agresión machista e felicitou á Garda Civil pola "rápida" actuación tras o suceso. Reiterou que unha das prioridades da Delegación do Goberno en Galicia "é loitar para erradicar a violencia machista, a violencia de xénero" e fixo un chamamento a modo de advertencia ás mulleres: "Un agresor de violencia machista será sempre un agresor de violencia machista".

Vítima e agresor, que teñen fillos de relacións anteriores, romperan fai poucos meses, segundo achegados.

Compartir en Twitter
Compartir en Facebook

Neomotor

Toda la información sobre el mundo del motor

Conoce las últimas tendencias y las novedades en coches, motos y la industria automovilística.