Un festival berciano con marca galega

O grupo coruñés Chotokoeu organiza o Vibra Balboa nunha localidade do Bierzo, con músicos, obradoiros e espectáculos en espazos que aproveitan o seu patrimonio histórico

01.09.2015 | 00:19
Un dos numerosos espectáculos de circo e música do Vibra Balboa, nunha palloza tradicional.

O grupo coruñés Chotokoeu é o coorganizador da cuarta edición do festival Vibra Balboa na comarca do Bierzo. Este evento pensado para toda a familia ofrece catro días de música, espectáculos e obradoiros, sempre cunha ollada multicultural, autoxestionada e participativa. O festival conta con seis escenarios moi diferentes entre si e que aproveitan os recursos e o entorno natural de Balboa. Os artistas que actuarán serán de todas as procedencias, aínda que destaca a marca galega nos músicos e organizadores. Unha presencia da cultura galega que se proxecta nas festas e tradicións

O grupo coruñés, Chotokoeu, forma parte do Colectivo Vibra que organiza a cuarta edición do festival Vibra Balboa, nunha pequena localidade do Bierzo. Este evento se estenderá dende o xoves, 3 de setembro, até o domingo coa presenza de obradoiros, espectáculos de malabares e música de todo tipo, cunha marcada presencia galega.

O festival Vibra naceu hai catro anos como Vibra Garufa na cidade da Coruña. Logo trasladouse a este espazo no Bierzo, cun formato multicultural, autoxestionado e colabarotivo por parte dos asistentes. Un dos organizadores, Rubén Capelán, explica que descubriron o lugar durante unhas das actuacións de Chotokoeu. "Quedamos pensando que sería interesante organizar algún evento ou festival", relata o membro do grupo. O lugar tiña como atractivo a presencia de pallozas antigas, un castelo medieval e numerosos espazos para os concertos e actividades. Desta forma, o festival conta con seis escenarios: dúas pallozas, dous bares, un antigo muíño e unha praia fluvial.

Balboa atópase moi preto da fronteira con Galicia polo que a presenza da cultura galega é constante. Segundo Capelán, pódese ver esta marca galega nalgúns dos festivais que organiza a localidade, como o magosto ou a noite máxica de San Xoán. Outro aspecto sería a lingua, con algúns residentes da vila sendo galegofalantes. "Galicia non remata no Bierzo", aclara o organizador. Esta marca galega non quita a esencia multicultural deste evento, que reúne bandas de todas as procedencias, como o estilo latino dos chilenos, LaSmala.

O concello colleu a idea con gusto tras numerosos contactos cos organizadores. O obxectivo era "compartir o festival co pobo", máis que instalar un festival na zona, polo que se centraron na colaboración cos bares e axentes da vila. Atoparon as dificultades propias de calquera festival de música na organización, co engadido de ter que desplazarse ata Balboa. O máis fácil foi, pola contra, atopar bandas e grupos interesados en participar no festival. "Moita xente da cultura pídenos vir tocar", explica Capelán.

Chotokoeu aproveita as súas propias viaxes e xiras para coñecer grupos que lles gusta e así comentarlles a existencia da cita. As bandas que participan varían nos seus estilos dende o funk, pasando pola percusión e a música balcánica. "Como colectivo nos gusta todo tipo de música", explica o organizador. Capelán opina que esta combinación podería non funcionar noutro sitio que non sexa Balboa. O entorno desta vila preto da fronteira galego-leonesa, permite a creación de obradoiros e espectáculos moi variados. Un dos puntos fortes, segundo o organizador, son as pallozas. "Sínteste tocando douscentos anos atrás", resume.

O Colectivo Vibra aclara que a finalidade do festival non son os beneficios económicos. Para os organizadores, o obxectivo sería que o público non sexa "pasivo" e se anime a partipar nos obradoiros e diferentes eventos. Os organizadores non semellan estar preocupados polo transporte até o festival, Balboa é unha vila pequena con facilidades de acceso a través da autovía, con tan só un pequeno tramo de carreteira. Os organizadores animan que se utilice o coche compartido, co uso da aplicación virtual BlablaVibra ou redes sociais deste tipo.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine