A CORUÑA EMPRENDE

Dircomida, a proposta do CIFP Paseo das Pontes para 'A Coruña Emprende'

Alumnos de varios ciclos formativos do centro traballan no seu proxecto de miniempresas

12.02.2016 | 01:41
Alumnos do CIFP Paseo das Pontes traballan no seu proxecto de miniempresa para ´A Coruña Emprende´.

O CIFP Paseo das Pontes foi un dos catro centros educativos da Coruña e a súa área metropolitana seleccionados para formar parte do proxecto miniempresas de A Coruña Emprende 2, unha das novidades da segunda edición do programa coordinado pola Consellería de Cultura, Educación e Ordenación Universitaria, financiado pola Fundación Alcoa e no que colabora LA OPINIÓN. Ademais deste centro tamén traballan nesta iniciativa, que busca fomentar a creación de empresas simuladas nas aulas, o IES de Viós de Abegondo, o IES Universidade Laboral de Culleredo e o IES Isaac Díaz Pardo de Sada.

No caso do CIFP Paseo das Pontes, 24 estudantes do ciclo de grado medio de Cociña e Gastronomía traballan coa axuda de 16 alumnas do módulo de grado superior de Patronaxe e Moda en Dircomida, o seu proxecto de miniempresa baseado na venda de comida.

A coordinadora deste traballo no CIFP Paseo das Pontes, Noa González, anuncia que a última semana de febreiro será a carta de presentación dos menús que prepararán os alumnos do módulo de Cociña e que venderán aos seus compañeiros e profesores. Desde donuts e croissants ao almorzo a productos máis delicatessen e algo máis caros como pastas máis elaboradas e bombóns, ademais de minipizzas, empanadas e bocadillos. Son os pratos estrela de Dircomida, cuios prezos os integrantes do proxectos aínda están calculando para sacar beneficios que se destinarán a fins didácticos.

Os participantes neste proxecto de miniempresa xa falaron tamén cunha exalumna que grazas o viveiro de empresas do CIFP Paseo das Pontes puido abrir unha consultoría de alimentación e traballa nunha empresa real, a diferenza da dos alumnos que será simulada aínda que próxima á realidade. A ela recurriron para que se encargue do etiquetado e da declaración de alérxenos.

Os participantes en Dircomida contan tamén coa axuda das alumnas do ciclo de Patronaxe e Moda do centro -explica González- ás que subcontrataron toda a parte relacionada co merchandising. As estudantes traballan no deseño do logo da empresa e marcapáxinas, da entidade corporativa e encarganse da rodaxe dun anuncio publicitario sobre o proxecto. Namentras, os alumnos do módulo de Cociña e Restauración ademais de deseñar a preelaboración dos platos e o menú da empresa antes de poñerse mans á obra no día da degustación, teñen que sacar tempo para tarefas administrativas como a fixación de prezos ou a redacción de contratos de traballo simulados dos supostos empregados de Dircomida.

Ademais dos proxectos de miniempresas, A Coruña Emprende 2 inclúe actividades de sensibilización ao alumnado como reunións con empresarios e visitas a empresas e xornadas formativas para fomentar o espírito emprendedor entre os estudantes.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine