ESPAZOS EDUCATIVOS

A Xunta invirte 600.000 euros en I+D+i nas universidades

21.06.2016 | 00:57

A Consellería de Cultura, Educación e Ordenación Universitaria destinará 602.201 euros para financiar un novo programa de posicionamento para que o Sistema Universitario de Galicia (SUG) capte máis proxectos de I+D+i. A ferramenta será desenvolvida pola Fundación Empresa-Universidade Galega (Feuga) e as universidades do SUG. A axuda irá destinada a subvencionar o gasto da Feuga no marco das actividades de posicionamento que se desenvolvan. O programa busca incrementar a taxa de éxito na consecución de proxectos europeos para grupos ou iniciativas institucionais, e acadar máis visibilidade e oportunidades no ámbito europeo para o SUG e os seus grupos de investigación; un incremento das colaboracións internacionais das universidades galegas; e unha mellora dos resultados de investigación con máis patentes, máis publicacións, máis promoción e divulgación e máis ingresos para a nosa I+D+i. Partirase dunha definición estratéxica das áreas que habería que priorizar, estruturándoas en tres bloques: Enerxía, Tecnoloxías de Información e Comunicación; Tecnoloxías de Fabricación, Procesos Industriais, Nanotecnoloxía e Materiais; e Medioambiente, Biotecnoloxía e Agroalimentación. A partires destas áreas a metodoloxía de traballo estará baseada no traballo cos propios grupos de investigación do SUG e, por outra parte en actividades de posicionamento a través eventos de todo tipo -transversais, tecnolóxicos, de brokerage-, en agrupacións tecnolóxicas e en accións de lobbying e de networking.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine