Esta é a historia señores
escoita con gran coidado
dunha viúva de Lugho
e un concelleiro imputado
Alá no mes de febreiro
o Entroido xa entrado
polas rúas da Coruña
había un cartel pegado
Resultou ser un choqueiro
todo vestido de branco
as meixelas arrubiadas
e o nariz colorado
Na man levaba unha copa
e o papa-móbil colgado
Ai! O que ven os meus ollos!
Isto é cousa do diaño!
Escandalizouse a viúva
e pediu axuda aos santos
porque o que vai de choqueiro
vai de Papa disfrazado
Montou un gran revolico
ata falou pola radio
encargou unha novena
e rezou algún rosario
Estas cousas non pasaban
cando gobernaba Franco
pero é que a democracia
é o mundo do pecado
Condenarao o Deus no ceo
que na terra eu xa me encargo
pois ao que isto permite
heino levar ao xulgado
E non remata aquí a historia
do concelleiro imputado
a que a xuíz se pronuncie
estamos aquí agardando
