20 de noviembre de 2009
20.11.2009
Recuperación de terreos

O colectivo Desescribir creará hortas urbanas en Feáns

20.11.2009 | 21:07

Celebrarase mañá unha reunión cos veciños da zona para debatir sobre a iniciativa da plataforma `Cidade dos Barrios´ que promove o COAG de A Coruña

No marco da cuarta acción da plataforma `A Cidade dos Barrios´, que promove o Colexio Oficial de Arquitectos, celebrarase mañá unha reunión cos veciños da zona de Feáns e Mesoiro para debatir sobre a iniciativa de crear hortas urbanas no Val de Feáns.

Falarase cos veciños sobre o interese existente na recuperación de antigas hortas e terreos na actualidade abandonados para poñelos de novo en uso e contribuír así á súa axeitada conservación e mantemento. Proporanse mecanismos de xestión para que propietarios de terras na actualidade sen uso as podan ceder ou alugar a persoas de calquera zona da cidade, que carecen de terreos, e estean interesadas en as traballar como hortas e cultivos. Deste xeito preténdense explorar alternativas de futuro para as áreas rurais de A Coruña.

Durante a fin de semana do venres 27 ó sábado 28 de Novembro festexarase o inicio dos traballos de recuperación dalgúns dos terreos mediante a celebración dunha merenda comunitaria.

Para o xoves día 26 de Novembro ás 19:30 está convocada unha nova reunión no Fórum Metropolitano (Rúa Río Monelos 1), na que se presentará esta iniciativa, Hortas na cidade dos barrios (http://hortasnacidade.wordpress.com/), a tódalas persoas da cidade interesadas en participar na mesma.

Esta actividade, coordinada polo colectivo de arquitectos "desescribir", é o cuarto obradoiro dentro da iniciativa "A Cidade dos Barrios", que está impulsada pola Delegación de A Coruña do Colexio Oficial de Arquitectos de Galicia e dirixe o estudio de arquitectura MMASA.

Compartir en Twitter
Compartir en Facebook

Contenido patrocinado


Crecer dentro de la empresa. La formación como ventaja competitiva

Según un informe de PWC los profesionales más buscados son aquellos que apuestan por el reciclaje en nuevas habilidades

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es