A Concellería de Culturas, Deporte e Coñecemento, organiza unha lectura pública colectiva polo Día das Letras, que se celebra o vindeiro venres, día 17, e que este ano homenaxea ao escritor Antón Fraguas. Os interesados en sumarse á sesión de lectura, que se realizará desde o balcón do pazo de María Pita entre as 11.00 e as 11.45 horas, deben enviar un correo á concellería na dirección concellaria.cultura@coruna.es co seu nome para anotarse na lista.
O concelleiro de Culturas, José Manuel Sande, lembra que é o cuarto ano que se abre o balcón do pazo para unha actividade vencellada ás letras. Anima aos veciños a participar "xa que as Letras deben entenderse como unha festa colectiva de expresión do noso idioma", defende.
