Nun teatro Rosalía con aforo reducido e coas medidas sanitarias precisas para garantir a seguridade dos asistentes, os Premios Opinión da Música de Raíz celebraron esta noite o seu vixésimo aniversario. O trío Zumaque, que fixo doblete, Carmen Penim e Xabier Díaz & Adufeiras de Salitre foron os grandes gañadores nesta edición, que contou coas actuacións de Lulavai e o Cuarteto Caramuxo. Os músicos repasaron clásicos do seu repertorio e deron a coñecer ao público asistente temas inéditos que formarán parte dos seus próximos discos.
O xurado decidiu entregar o galardón ao Mellor Tema Orixinal a 'Silván', unha canción do trío Zumaque que forma parte do seu disco homónimo. Trátase do primeiro álbum da banda. Tamén Pablo Pascual, componente de Zumaque, foi o gañador do XX Premio Opinión ao Mellor Artista.
A Mellor Adaptación dunha Peza Tradicional recaeu en 'Aí ven o barco do mare', de Carmen Penim, mentres que o Mellor Disco foi para 'As catedrais silenciadas', de Xabier Díaz & Adufeiras de Salitre.
A distinción especial que recoñece a Andaina Senlleira mereceuno nesta XX edición o Festival do Mundo Celta de Ortigueira. Os seus responsables aseguraron que volverán no 2022 co festival máis grande e máis longo da historia de Ortigueira. "Este premio énchenos o corazón", comentaron ao recoller o galardón.
A alcaldesa Inés Rey, a directora de LA OPINIÓN, Carmen Merelas, Juan Carlos Da Silva, subdirector xeral de Prensa Ibérica en Galicia e José Luis Fernández Astray, director de comunicación de Gadis, foron os encargados de entregar os galardóns.
En directo
Última actualización 21:43
Unha emblemática cita que segue a recoñecer o labor da música e a cultura e a amosar o seu compromiso coa actividade cultural, aínda nestes tempos de pandemia.
A actuación instrumental do cuarteto Caramuxo, ao ritmo de clarinetes, acordeón e percusións, pon o broche final da gala
O xurado selecciona 'As catedrais silenciadas', de Xabier Díaz & Adufeiras de Salitre, como Mellor Disco neste vixésimo aniversario dos Premios Opinión da Música de Raíz
Nesta ocasión é a alcaldesa da Coruña, Inés Rey, quen entrega a distinción
Finalistas Premio ao Mellor Disco:
- Latexo, Xosé Lois Romero & Aliboria
- Silván, Zumaque
- As catedrais silenciadas, Xabier Díaz & Adufeiras de Salitre
- Cando os animais cantaban, Tres pesos
Pablo Pascual, componente de Zumaque, é o ganador do XX Premio Opinión ao Mellor Artista
Carmen Merelas, directora do diario LA OPINIÓN A CORUÑA, é a encargada de facer entrega do premio ao mellor artista
Finalistas XX Premio Opinión ao Mellor Artista:
- Xosé Lois Romero
- Pablo Pascual
- Xabier Díaz
- Susana Seivane
É Juan Carlos Da Silva, subdirector xeral de Prensa Ibérica en Galicia o encargado de facer a entrega nesta ocasión
O premio á mellor adaptación dunha peza tradicional é para 'Aí ven o barco do mare', de Carmen Penim
Finalistas:
- Muiñera de Ons, Xosé Lois Romero & Aliboria
- Mazurkazzione, de Zumaque
- Primeiro, Xabier Díaz & Adufeiras de Salitre
- Aí vén o Barco do Mare, Carmen Penim
Chega o momento de coñecer a mellor adaptación dunha peza tradicional
O premio ao mellor tema orixinal é para 'Silván', unha canción do trío Zumaque que forma parte do seu disco homónimo. Trátase do primeiro álbum da banda
Para facer a entrega do premio ao mellor tema orixinal, sobe ao escenario José Luis Fernández Astray, director de comunicación de Gadis
Entre a listaxe de finalistas están Susana Seivane, Carmen Penim, MJ Pérez, o trío Tres Pesos e o grupo Néboa, que lograron cadanseu unha candidatura de finalista nalgunha das categorías existentes
Xosé Lois Romero & Aliboria, con Latexo, e o trío Zumaque, co álbum Silván, lograron o pleno e están presentes en todas as categorías. As catedrais silenciadas, de Xabier Díaz & Adufeiras de Salitre aparece en tres, todas as que podía optar ao ser tradicionais todas as pezas da obra
