O sorriso de Pedro Brandariz, en mármore
No cabo de ano do pasamento do cómico, o Concello introduce a súa figura na praza do Humor
![Ofrenda de flores, onte, na figura de Pedro Brandariz. | // LA OPINIÓN](https://estaticos-cdn.prensaiberica.es/clip/6678e129-87ad-495e-a7dc-eff5822ae223_16-9-aspect-ratio_default_0.jpg)
Ofrenda de flores, onte, na figura de Pedro Brandariz. | // LA OPINIÓN / REDACCIÓN
REDACCIÓN
O sorriso de Pedro Brandariz quedará para sempre na praza do Humor da Coruña. Cando se cumpre o primeiro cabo de ano do seu pasamento, o Concello quixo facerlle unha homenaxe a este pallaso ao que non lle quedaba en Galicia bar, biblioteca nin auditorio por pisar, porque en todos actuara, cando menos, unha vez, así que, incluíu a súa figura na praza, agora renovada.
“Brandariz deixounos como legado a súa felicidade, unha forma de vida sen complexos desde o humor que fica para sempre nas rúas da Coruña” sinalou onte a alcaldesa, Inés Rey, na homenaxe á que asistiron membros da familia do cómico, mais tamén compañeiros de profesión. “Todas as homenaxes que lle levamos feitas ao longo deste ano non son suficientes para recordar a Pedro”, sincerouse onte o tamén humorista Víctor Grande.
O seu testemuño recolleuno o debuxante Siro López, que foi o encargado de debuxar esta silueta que tanto significado ten na cidade, por todas as veces que Brandariz actuara nela. “Alégrome moitísimo de poder lembrar nestes mármores a Pedro Brandariz, a quen seguramente non lle parecería mal morrer como o fixo [sufriu unha indisposición nun centro educativo no Concello de Teo, ao que acudira para facer unha actuación] pois eu tamén quixera morrer cun lapis na man” sinalou Siro López. Agora, compartirá espazo con Mafalda, Astérix e Obélix, entre outros.
- Primeras sentencias que ordenan desahuciar a inquilinos en Cambre a pesar de que pagan
- Estos son los dos pueblos más felices de Galicia: los únicos en el top35 de España
- El artilugio todoterreno de que está arrasando en Lidl cuesta solo 4,99 euros
- Crystal Fighters, cabeza de cartel del Noroeste, al que se unen The Rapants y Fillas de Cassandra
- Al menos dos heridos en una estampida causada por un incidente en Alvedro
- Nájera explora el mercado
- Ximo Navarro, a cerrar la inestabilidad
- El pleito por las expropiaciones del castro de Elviña sienta jurisprudencia en toda España