Unha lingua que vale para todo
Os estudantes do centro O Cruce, de Cerceda, gañan o premio da mellor pancarta do Correlingua coa súa aposta por “O galego todo o tempo en todas partes”
![Participantes no Correlingua.](https://estaticos-cdn.prensaiberica.es/clip/3bf05260-6b7c-4751-beb1-83c64fd5a187_media-libre-aspect-ratio_default_0.jpg)
230505LCO_Iago Lopez (174259506).jpg / Iago López
O galego vale para todo, incluso, para facer unha versión da sesión de Quevedo con Bizarrap e poñer a bailar a centos de rapaces e rapazas ao ritmo de Quédate na contorna da Torre de Hércules, tamén para berrar, para sorrir, para aprender e para viaxar, para entender o pasado, para protexer o presente, para sementar e que haxa froitos no futuro.
![Unha lingua que vale para todo](https://estaticos-cdn.prensaiberica.es/clip/d1e7f83b-ce0c-4797-b6db-5c9dade60dd1_alta-libre-aspect-ratio_default_0.jpg)
Unha lingua que vale para todo / Gemma Malvido
O Correlingua, que chegou esta mañá á súa edición número 23, contou con centros educativos chegados de toda a contorna, desde A Laracha, Cambre, Carral, Cerceda e Oleiros até Laxe e Vimianzo. Baixo o lema “Na casa, na escola, bota a lingua fóra” os rapaces e rapazas percorreron a cidade desde o pavillón de deportes de Riazor até a Torre de Hércules amosando os seus traballos para reivindicar a lingua galega.
![Unha lingua que vale para todo](https://estaticos-cdn.prensaiberica.es/clip/81bd07c6-794a-4a04-85d9-fd0c84bc8568_alta-libre-aspect-ratio_default_0.jpg)
Unha lingua que vale para todo / Gemma Malvido
O gañador do concurso á mellor pancarta foi o alumnado do centro O Cruce, de Cerceda, que, segundo contaban Candela e Darío, de cuarto de Secundaria, xa desde hai uns anos, participan todos vestidos igual no Correlingua, neste caso, con camiseta branca e pantalóns vaqueiros para reivindicar que o galego é útil non só nesta realidade, senón tamén en todas as que están por vir, como as do metaverso. “Estivemos coas profesoras enxeñando, a ver que podiamos facer, e escollemos o multiverso e o metaverso, que abrangue todo”, comentaban estes rapaces, entre consigna e consigna.
![Unha lingua que vale para todo](https://estaticos-cdn.prensaiberica.es/clip/c99028a8-236f-4de3-8404-ccfdee1fbebc_alta-libre-aspect-ratio_default_0.jpg)
Unha lingua que vale para todo / Gemma Malvido
“Nós sempre falamos galego entre nós, na escola, sempre, está moi ben esta actividade para loitar pola nosa lingua”, dicía Candela. Tamén as rapazas e rapaces do Torre de Soneira, de Vimianzo, comentaban que falaban sempre galego, cos pais, cos avós, na clase e no recreo, en todas as situacións. A Sheila, Noa e Lara, que cursan terceiro de Secundaria, gústalles toda a música, tamén a que fala na súa lingua e, se teñen que escoller, falan de Rokiño que, ademais, é o seu veciño, de Vimianzo, coma elas. “Medio-medio”, dicían as alumnas de terceiro de Secundaria do instituto da Pastoriza, en Arteixo, porque non usan o galego todos os días nin en todas as circunstancias, “falamos máis galego cos avós, na casa, normalmente, castelán e, no instituto, dependendo da clase”, comentaban Daniela, Julia, Lidia, Antía e Nico, que estaban encantadas de asistir ao Correlingua e ter un día diferente, sen Física e Química e sen Historia, aínda que esta semana non lle puidesen dedicar moito tempo a preparalo porque tiveron exames.
![Unha lingua que vale para todo](https://estaticos-cdn.prensaiberica.es/clip/67ca32ec-6efc-43de-acae-d5fb1ab427f1_alta-libre-aspect-ratio_default_0.jpg)
Unha lingua que vale para todo / Gemma Malvido
O estudantado do centro Miraflores, de Oleiros, decidiu vestirse de emoticonas, con frases típicas como “E ti de quen vés sendo?” ou “Sentidiño, que cabeza ten calquera”, cousas que escoitaron e escoitarán toda a vida.
Suscríbete para seguir leyendo
- Primeras sentencias que ordenan desahuciar a inquilinos en Cambre a pesar de que pagan
- Estos son los dos pueblos más felices de Galicia: los únicos en el top35 de España
- El artilugio todoterreno de que está arrasando en Lidl cuesta solo 4,99 euros
- Crystal Fighters, cabeza de cartel del Noroeste, al que se unen The Rapants y Fillas de Cassandra
- Al menos dos heridos en una estampida causada por un incidente en Alvedro
- Nájera explora el mercado
- Ximo Navarro, a cerrar la inestabilidad
- El pleito por las expropiaciones del castro de Elviña sienta jurisprudencia en toda España