Amazon Prime estuda coa Xunta aumentar no seu catálogo produtos en galego
O primeiro será crear unha listaxe de filmes a partir das obras na Filmoteca de Galicia
REDACCIÓN
Amazon Prime estuda coa Xunta aumentar no seu catálogo produtos en galego. Como primeiro paso, acordaron a elaboración dunha listaxe de filmes en versión orixinal galega a partir das obras depositadas na Filmoteca de Galicia.
O conselleiro de Cultura, Educación FP e Universidades, Román Rodríguez, reuniuse co xefe de Contidos de Prime Video España, Ricardo Cabornero, para abordar vías de colaboración conxunta dirixidas a aumentar a inclusión de producións audiovisuais en galego na plataforma.
Na xuntanza tamén participaron o director da Axencia Galega das Industrias Culturais, Jacobo Sutil; a subdirectora da Secretaría Xeral de Política Lingüística, Lourdes Batán, e a responsable de Relacións Institucionais de Prime Video, Chelo Abarca.
Ao encontro incorporáronse así mesmo Mamen Quintas e Julio Casal, produtores executivos de Ficción Producciones, cos que se valorou o éxito de difusión que están a ter as series desta produtora compostelá dispoñibles xa actualmente no servizo de streaming de Amazon. Esta alianza, que se iniciou en xaneiro de 2021 con 3Caminos, a grande aposta audiovisual da Xunta de Galicia para a promoción do Xacobeo e do Camiño de Santiago, continúa con outros títulos como Una historia de crímenes e as dúas temporadas de Operación Marea Negra, proxectos todos eles apoiados tamén polo Goberno galego.
Rodaxe na Coruña
Precisamente, esta última serie recibiu 350.000 euros da Administración galega para a súa gravación. A rodaxe transcurreu en localizacións da Coruña, Santiago, Vigo e a ría de Arousa. Na dirección, contou con Daniel Calparsoro máis Igor Legarreta, ademais dos guións de Patxi Amezcua e Natxo López.
Desta vez, o protagonista non é Álex González senón o chileno Jorge López. Nesta segunda tempada, a acción parte dende o punto no que Nando, o rapaz galego que capitaneara o narcosubmarino, agarda sentencia no cárcere.
- Primeras sentencias que ordenan desahuciar a inquilinos en Cambre a pesar de que pagan
- Estos son los dos pueblos más felices de Galicia: los únicos en el top35 de España
- El artilugio todoterreno de que está arrasando en Lidl cuesta solo 4,99 euros
- Crystal Fighters, cabeza de cartel del Noroeste, al que se unen The Rapants y Fillas de Cassandra
- Al menos dos heridos en una estampida causada por un incidente en Alvedro
- Nájera explora el mercado
- Ximo Navarro, a cerrar la inestabilidad
- El pleito por las expropiaciones del castro de Elviña sienta jurisprudencia en toda España