Un total de 5.500 alumnos poderán certificar o seu nivel de idiomas
B. C. [ a coruña]
O Goberno galego impulsa o Programa de Acreditación en Linguas Estranxeiras, de xeito que este curso un total de 5.500 alumnos de 205 centros de toda Galicia poderán certificar as súas competencias lingüísticas en diferentes idiomas a través de probas de específicas financiadas pola Xunta.
A Consellería de Educación habilita unha partida de 550.000 euros para o financiamento destas probas, cunha contía de 100 euros por alumno, que vai destinada a sufragar o custo das probas das destrezas orais e escritas que realicen estudantes de 4º de ESO, Bacharelato ou FP para certificar os niveis B1, B2 ou C1 do Marco Común Europeo de Referencia para as Linguas, correspondentes cos niveis intermedio e avanzado.
Cada alumno pode matricularse nunha proba dunha lingua estranxeira que será, preferentemente, a que curse como primeira lingua estranxeira. Isto é, inglés, francés, portugués e alemán. O estudante, previa orientación do profesorado, poderá decidir o exame ao que se presenta e coñecerá con antelación as características da mesma.
A organización e xestión das probas é competencia exclusiva do centro educativo, que deberá seleccionar o alumnado candidato ás probas, o nivel da proba á que se presenta e as institucións ou empresas certificadoras oficialmente recoñecidas a través da cal as realiza. No actual curso 2023-24 hai un total de 500 centros plurilingües, que contan co apoio de 655 auxiliares de conversa nativos de ata 22 nacionalidades distintas que imparten clases.
- Primeras sentencias que ordenan desahuciar a inquilinos en Cambre a pesar de que pagan
- Estos son los dos pueblos más felices de Galicia: los únicos en el top35 de España
- El artilugio todoterreno de que está arrasando en Lidl cuesta solo 4,99 euros
- Crystal Fighters, cabeza de cartel del Noroeste, al que se unen The Rapants y Fillas de Cassandra
- Al menos dos heridos en una estampida causada por un incidente en Alvedro
- Nájera explora el mercado
- Ximo Navarro, a cerrar la inestabilidad
- El pleito por las expropiaciones del castro de Elviña sienta jurisprudencia en toda España