Un río para capturar lembranzas

Esquece Monelos conta a historia dun río, pero tamén de todas esas cousas que, por calalas e agochalas, parece que non existen. Fala do soterramento do río Monelos, da perda da memoria e de tratar de entender como enfrontarse a unha realidade que non é a esperada, e fala da historia, da política e do progreso, da chegada da industria e das superficies comerciais e fala en primeira persoa, porque as lembranzas da cidade están compostas dos recordos de cadaquén. Dous dos seus protagonistas, Bienvenido Gabarri e o exalcalde Liaño Flores, xuntáronse onte nun teatro Rosalía ateigado para ver a preestrea da primeira longametraxe de Ángeles Huerta, un paseo pola memoria, con final feliz.