Tiveron que pasar máis de sesenta anos para aplicar métodos científicos na apertura da primeira fosa da Guerra Civil. Foi o 28 de outubro do 2000 na localidade ourensán de Priaranza do Bierzo onde se levou a cabo a exhumación de trece vítimas da Guerra Civil que impulsou o nacemento da Asociación para a Recuperación da Memoria Histórica presidida por Emilio Silva. Silva comparte o nome co seu avó, a primeira vítima da represión franquista identificada cunha proba de ADN tras ser fusilado o 16 de outubro de 1936. Na súa exhumación participaron catro arqueólogos, unha antropóloga forense e unha bióloga. Nestes 15 anos foron recuperados e identificados 6.300 corpos desaparecidos, a Asociación para a Recuperación da Memoria Histórica conseguiu abrir un proceso xudicial en Arxentina contra o franquismo e impulsou no Congreso dos Deputados unha Lei da Memoria Histórica. A súa loita contra o silencio que cumpre hoxe quince anos súmase á da Comisión pola Recuperación da Memoria Histórica que lembra a historia de Emilio Silva.
