08 de agosto de 2017
08.08.2017
Xosé Cobas Ilustrador, autor da camiseta do Rock in Cambre, disponible con La Opinión

"Quero que exista no meu traballo unha parte humana, que se note a man e o trazo"

"O obxectivo do deseño da camiseta para o festival é crear unha especie de marca, símbolo ou selo de identidade"

08.08.2017 | 08:53
Xosé Cobas xunto a camiseta do Rock in Cambre.

O ilustrador galego Xosé Cobas é o encargado de deseñar, este ano, a imaxe da camiseta do festival Rock in Cambre, que encherá de os días 18, 19 e 20 de agosto no municipio coruñés. En cor negro e seragrafada en branco, azul e vernello, Cobas funde no deseño unha das mans cornutas que o público exhibe nos concertos da cita musical cunha das guitarras eléctricas que atronan nos seus escenarios. Cobas trata de, con este deseño "sinxelo e sen estridencias", crear o símbolo que representará a este mítico festival no seu XVI certamen. A camiseta máis roqueira pódese conseguir co xornal LA OPINIÓN .

- Ilustrou pezas musicais, relatos, poemas? ¿Cambia moito o proceso creativo cando se debuxa para algo que alguén vai levar enriba?

-Hai que distinguir, porque isto non é unha ilustración, é unha imaxe. Neste tipo de traballos o golpe de vista ten que ser moito máis directo e conciso, non hai que perderse en retóricas gráficas nin contar ningunha historia, a diferencia de cando ilustras unha peza de música ou un relato. O obxectivo neste encargo é crear unha especie de marca, símbolo ou selo de identidade.

- ¿Qué representa a imaxe?

-Eu non quería caer no tópico da estridencia, polo que, en vez de buscar unha imaxe moi explosiva, o que busquei foi un símbolo onde se concite o sentimento do rock, como é o elemento superior. O elemento inferior, a guitarra, está máis relacionado coa música. O IN é unha especie de nexo entre a parte superior e a parte inferior, que fai de mástil da guitarra. O azul engadino como un rasgo de identidade, e a tipografía que usei é diferente á doutros anos. Todo está dentro dun aire moi dinámico, sin ser nada ríxido, seguindo a dialéctica deste tipo de música. Ademais, aínda que dentro da filosofía do rock hai unha parte que é máis agresiva, e essa connotación aparece representada, nesta imaxe non é nada abusiva. Non hai ningunha estridencia gráfica, é unha cousa moi sinxela.

- ¿Gústalle a música rock? ¿Algunha canción en concreto que servise de inspiración?

-Claro que me gusta o rock, aínda que non é música que máis escoito. Non hai ningunha canción que me servise de inspiración, porque o concepto neste traballo foi máis xeneralista, o rock como concepto. Ademais, o público é moi heteroxéneo, xa que o rock é das músicas máis versátiles.

- Agora existen medios electrónicos, como tabletas gráficas, que usan os ilustradores. ¿Adáptase ós novos métodos creativos? ¿Gústanlle máis os tradicionais ou os dixitais?

-Á hora de crear, tanto ten o método dixital coma o tradicional, iso non cambia. Aínda que este logo está creado cun programa de diseño dixital, eu habitualmente traballo de maneira tradicional. As miñas ilustracións e os meus bocetos son con papel e lapis, coma o fixen toda a vida. As novas tecnoloxías claro que me axudan a levar a cabo algúns aspectos que, de facelo a man, levaríanme moito máis tempo, por exemplo para determinadas luces, pero tampouco son a panacea. Ademáis, hai determinadas texturas, que eu consigo coa man, que persoalmente non son capaz de facelas dixitalmente. Para imitalas hai que dominar moito a técnica dixital, e eu non teño ese dominio, máis tampouco me interesa. Quero que exista no meu traballo unha parte humana, que se note a man, o trazo e a pincelada, sobre todo cando ilustro, porque hai unha parte de humanidade cando contas, cando narras.

- É un ilustrador con máis de trinta anos de experiencia ás súas costas. A día de hoxe, ¿qué disfruta máis ilustrando?

-Gústame ilustrar de todo, pero co que máis disfruto posiblemente sexa cos meus propios proxectos. En canto a materias ou especialidades, teño unha especial predilección pola ilustración de poesía, máis que pola ilustración de narrativa. Tamén gústame moito o álbum ilustrado.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine